24 červienia ŭ Brusieli lidar Ruchu «Za Svabodu» Alaksandr Milinkievič pravioŭ pieramovy z kamisaram Jeŭrasajuza pa pytańniach pašyreńnia i palityki dobrasusiedstva Štefanam Fiule i z namieśnicaj hienieralnaha sakratara Jeŭrapiejskaj źniešniaj słužby Chielhaj Šmit.
Padčas sustrečaŭ havorka viałasia pra toje, što kantakty JEZ ź biełaruskimi ŭładami mahčymyja tolki paśla vyzvaleńnia i poŭnaj reabilitacyi palitviaźniaŭ. Dalejšy ž dyjałoh musić adbyvacca pry ŭmovie pazityŭnych krokaŭ aficyjnaha Minska pavodle «darožnaj mapy». Heta majuć być kankretnyja zachady pa ekanamičnaj libieralizacyi i
Surazmoŭcy pahadzilisia pra nieabchodnaść praviadzieńnia adzinaj palityki demakratyčnych krainaŭ u dačynieńni da ŭładaŭ Biełarusi, a taksama važnaść vypracoŭki supolnaj pazicyi demakratyčnaj supolnaści Biełarusi. U Biełarusi nie budzie šansaŭ zachavać niezaležnaść i pabudavać demakratyju biez ŭnutranaha dyjałohu ŭ krainie.
Alaksandr Milinkievič padkreśliŭ nieabchodnaść jeŭrapieizacyi Biełarusi praz adukacyjnyja, infarmacyjnyja prajekty i prahramy abmienu.
