U Mižnarodnym adukacyjnym centry ŭ Minsku adbyłasia cyrymonija ŭznaharodžańnia pieramožcaŭ Druhoha fiestyvalu biełaruskamoŭnaj rekłamy i kamunikacyi AD.NAK! U pracesie hetaj zachaplalnaj dziei vyśvietliłasia, što šalonych biełaruskich rekłamistaŭ našmat bolš, čym pamiarkoŭnych.
Ctaršynia Rady ZBS "Baćkaŭščyna" Nina Šydłoŭskaja i šoumen Alaksandr Pamidoraŭ
Volha Kuźmič
Artur Vakaraŭ, studyja “Adliha”
Michał Aniempadystaŭ, Alena Makoŭskaja
Rekłamist Julija Laškievič
Śpiavak Vinsent
Hurt "Raźbitaje serca pacana"
Alaksandr Pamidoraŭ
Pierad tym, jak abvieścić daty Fiestyvalu, arhanizatary razvažali, ci nie pryśpiešvajuć jany čas. Ale aściarohi vyjavilisia marnymi, kali stała viadomaja kolkaść padadzienych zajavak. Kali na Pieršy fiestyval było padadziena 105 rabot ad 59 udzielnikaŭ, to sioleta ich kolkaść vyrasła amal utraja — 298 zajavak ad bolš čym 100 udzielnikaŭ. Lidaram tut stała naminacyja «Dyzajn & Art Direction», kudy było padadziena ažno 86 rabot.
Kožnuju naminacyju pryśviacili čałavieku, jaki vyłučaŭsia svajoj šalonaściu, — Frojdu, Skarynu, Vitaŭtu, Če Hievaru dy inšym vybitnym asobam.
Praŭda, nie va ŭsich naminacyjach byli abvieščanyja pieramožcy. Tak, naprykład, žury vyrašyła nie prysudžać uznaharodu za najlepšuju «Radyjo ci aŭdyjorekłamu».
Hodnych u hetaj śfiery prosta nie znajšłosia.U šerahu naminacyj prysudžali tolki asobnyja miescy. A voś u takich naminacyjach, jak «ŚMI», «Sacyjalnaja rekłama» i, viadoma ž, «Dyzajn» było z kaho vybirać.
Siarod zvykłych dla rekłamnych fiestyvalaŭ naminacyj sustrakalisia i aryhinalnyja. Jak, naprykład, «Nierealizavanyja idei».
«Dla nas heta vielmi važny konkurs, bo mienavita dziakujučy idejam rekłama i ruchajecca napierad», — skazaŭ viadoŭca Illa Malinoŭski.
Cyrymoniju raznastaili vystupami Vinsent sa svaim hurtom, «Dali», a paśla ŭručeńnia pryza ŭ naminacyi «Kaša suvoraŭskaja» na scenu padnialisia skandalisty z «Raźbitaha serca pacana» z duetam «EVM» i navat syhrali zvyš rehłamientu, prezientavaŭšy ŭ dadatak da svajho seta pieśniu pra Vieniesuełu.
Sens zabaŭnaj naminacyi «Kaša suvoraŭskaja» byŭ u tym, kab «uhanaravać» rekłamnyja pracy, jakija ihnarujuć fakty biełaruskaj historyi i tradycyi ajčynnaj kultury abo demanstrujuć nieprafiesijny padychod da spravy. Praŭda, adznačyli nie ŭłasna aŭtaraŭ, a tych, chto takija pracy znajšoŭ i dasłaŭ na konkurs. U spadzievie, što rekłamisty mohuć śmiajacca sami ź siabie, pryzy dastalisia pracam
«Maja Radzima», «Vkusu Bulbaša» i «Šakaładnaj Chatyni».
Pry kancy Illa Malinoŭski i Rusia padviali vyniki
Na skančeńnie byŭ abvieščany samy značny, na dumku žury, hramadska aryjentavany prajekt.
Biezumoŭna, pieramožcam tut byŭ pryznany animacyjny rolik «Budźma biełarusami!»
Paśla takoj cyrymonii sapraŭdy chočacca stać biełaruskim rekłamistam. Bo heta hodnaja, cikavaja i prestyžnaja sprava.
