U Biełarusi stabilizavaŭsia valutny rynak, inflacyja praktyčna spynienaja, zajaviŭ 27 červienia ŭ Minsku prem'jer-ministr Biełarusi Michaił Miaśnikovič padčas sustrečy z delehacyjaj litoŭskich biznesoŭcaŭ.
«Našy ciažkaści — časovyja. My praktyčna ŭžo spynili inflacyju, zapracavaŭ valutny rynak. Štodnia pamiž pradpryjemstvami ažyćciaŭlajucca ździełki na 70 miljonaŭ dalaraŭ.
Na rynku najaŭnaj valuty nasielnictvu pradajecca kala 200 miljonaŭ dalaraŭ u miesiac»,— zajaviŭ Miaśnikovič, pieradaje Interfaks.
Kiraŭnik urada adznačyŭ, što dla inviestaraŭ buduć stvoranyja «ŭsie ŭmovy, až da ŭmoŭ svabodnych ekanamičnych zon». Jon nahadaŭ, što z 1 studzienia budučaha hoda pačynaje realna pracavać adzinaja ekanamičnaja prastora z Rasijaj i Kazachstanam, što taksama pavinna pryciahvać inviestaraŭ.
Miaśnikovič akcentavaŭ uvahu na tym, što ŭ chodzie pieramovaŭ ź litoŭskimi biznesmienami buduć abmiarkoŭvacca pytańni, źviazanyja «z refarmavańniem adnosin ułasnaści».
0
0
0
0
0
0