Hruzinskija nielehały šturmujuć miažu Biełarusi z krainami ES

Połackija pamiežniki druhi raz za dva apošnija tydni zatrymali hramadzian Hruzii, jakija sprabavali pierapravicca ŭ Łatviju niezakonnym šlacham. Jak paviedamili ŭ pres-centry Dziaržaŭnaha pahraničnaha kamiteta Biełarusi, 27 červienia ŭ Brasłaŭskim rajonie byli zatrymany čaćviora hramadzian Hruzii 1954, 1972, 1982 i 1987 hadoŭ naradžeńnia, a taksama dvoje biełarusaŭ, jakija akazvali im sadziejničańnie ŭ hetym.

Hramadzianie Hruzii nakiroŭvalisia ŭ krainy Jeŭrasajuza ŭ pošukach lepšych umoŭ žyćcia. Pravodzicca razhlad z metaj pryciahnieńnia zatrymanych da adkaznaści.

Heta nie adzinkavy vypadak zatrymańnia parušalnikaŭ miažy za minułyja vychadnyja dni. 25 červienia pahraničniki ŭ rajonie vioski Sušyški Voranaŭskaha rajona ŭ niepasrednaj blizkaści ad miažy zatrymali aŭtamabil «Micubisi», u jakim znachodzilisia čaćviora hramadzian Afhanistana. Starejšamu ź ich 49 hadoŭ, małodšamu — 17. Zamiežnyja hramadzianie sprabavali niezakonna pierasiekčy biełaruska-litoŭskuju miažu.

Hrodzienskija pamiežniki ŭ 300 mietrach ad dziaržaŭnaj miažy zatrymali čatyroch hramadzian Hruzii, a smarhonskija — u rajonie vioski Kiemiany — jašče troch.

Ciapier zamiežnyja hramadzianie znachodziacca ŭ IČU, ich čakaje departacyja.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH