Hurt No Comment Band pieramoh na «Emergenza Festival» u Maskvie. Ciapier muzykaŭ čakajuć u Hiermanii.
Fota Alaksandra Kanatopa.
Kamanda stała pieramožcam rasijskaha adboračnaha tura bujnoha festu «Emergenza». I ŭ žniŭni biełarusy pazmahajucca za lidarstva ŭ mižnarodnym finale.
Biełarusy pretendavali na vychad u finał razam z dvanaccaciu rasijskimi hurtami. Žury, u jakoje ŭvachodzili pradziusary Leanid Burłakoŭ (Ziemfira, «Mumij Trol»), Macias Pryler, addało pieravahu No Comment Band.
«U kahości byli krychu lepšyja muzyki, u inšych — bolš cikavy materyjał, niechta jašče lepš pracavaŭ z publikaj, ale sabrać usie krytery acenki na najbolš vysokim uzroŭni zmahli mienavita No Comment Band», — zajaviŭ člen žury, pradziusar rasijskaha adboračnaha tura «Emergenza» Andrej Štejnmark.
Fiestyval-konkurs «Emergenza» prachodzić z 1994 hoda. U im prymajuć udzieł «žyvyja» kalektyvy lubych nakirunkaŭ. Konkursnyja adbory pravodziacca ŭ Jeŭropie, ZŠA, Japonii. Pieramožca mižnarodnaha finału atrymlivaje mahčymaść zapisać albom i prajechać z turam pa Jeŭropie. Sioleta finał adbudziecca 12-14 žniŭnia ŭ Hiermanii ŭ miežach bujnoha niamieckaha «Taubertal Festival». U jakaści chedłajnieraŭ vystupiać Iggy & The Stooges, Rise Against, NOFX, Dropkick Murphys, The Subways, Bullet For My Valentine, Pendulum.
Hurt No Comment Band vykonvaje muzyku ŭ styli positive funky rock z anhłamoŭnymi tekstami. Kamanda była stvorana ŭ 2009 hodzie ŭ Minsku. Sioleta muzyki źniali svoj pieršy klip i zapisali mini-albom.
