Jak zaznačyŭ 28 červienia napres-kanfierencyi , pryśviečanaj hetaj padziei, kaardynatar prajekta Siarhiej Drazdoŭski, asnoŭnaj misijaj ofisa źjaŭlajecca akazańnie dapamohi ludziam z abmiežavanymi mahčymaściami ŭ abaronie ich pravoŭ. U ofisie budzie pracavać biaspłatnaja jurydyčnaja pryjomnaja, vieści pryjom u jakoj budućjurysty-vałanciory .
Z 28 červienia prakansultavacca ŭ jurysta invalidy zmohuć z 10.00 da 17.00 u ofisie 101 pa adrasie: vuł. Varanianskaha, 50, korpus 4, abo pa telefonie
Pavodle słoŭ Drazdoŭskaha, ofis bačyć svaju zadaču ŭ aśviecie hramadzian ab pravach ludziej ź invalidnaściu, papularyzacyi ŭ hramadstvie idej humannych, maralnych, talerantnych uzajemaadnosinaŭ. Jašče adna zadača arhanizacyi — spryjańnie dałučeńniu Respubliki Biełaruś da Kanviencyi ab pravach invalidaŭ (AAN) i Fakultatyŭnaha pratakoła da jaje.
Drazdoŭski paviedamiŭ, što zaraz u Biełarusi bolš jak 504 tysiačy ludziej ź invalidnaściu. Pavodle jaho słoŭ, «u Biełarusi skłałasia takaja situacyja, kali ludzi ź invalidnaściu vymušanyja zastavacca na ŭskrajku hramadskaha žyćcia ŭ izalavanych supolnaściach». Jak pakazvaje praktyka, skazaŭ Drazdoŭski, kožny čałaviek ź invalidnaściu sutykajecca z dyskryminacyjaj. Sutnaść jaje ŭ tym, što invalidam admaŭlajuć u pracaŭładkavańni, pastupleńni ŭ VNU, vučobie ŭ zvyčajnaj škole. Časta žyćcio hetych ludziej prachodzić u zakrytych internatach, jany pazbaŭlenyja paŭnacennych znosinaŭ, padkreśliŭ Drazdoŭski.
Takim čynam, dziejnaść ofisa budzie skiravanaja na intehracyju invalidaŭ u hramadstva. «My chočam pamianiać śviadomaść ludziej i ich staŭleńnie da pytańnia invalidnaści. Ludzi pavinny razumieć, što invalidnaść — heta nie tolki miedycynskaja prablema. Pierš za ŭsio, heta prablema vykanańnia i abarony pravoŭ čałavieka», — skazaŭ Drazdoŭski.
