U Varšavie aficyjna pačaŭ pracu Pres-Kłub Biełaruś 4

29 červienia ŭ Varšavie aficyjna pačaŭ pracu Pres-Kłub Biełaruś. Zasnavańnie kłubu inicyjavaŭ šerah znanych biełaruskich miedyja-asobaŭ.

Na mecie kłubu, — dapamahčy biełaruskim žurnalistam i inšym miedyja-piersonam u pracy dziela demakratyčnaj Biełarusi i svabody słova miedyjaŭ. Padtrymaŭ inicyjatyvu Pres-Kłub Polšča.

Siarod zasnavalnikaŭ kłubu, — vyklučna biełarusy, — viadomyja žurnalisty, redaktary i vydaŭcy niezaležnych biełarusich ŚMI: Julija Słuckaja, Źmicier Novikaŭ, Alaksandr Starykievič, Aleś Lipaj, Alaksandr Ulicionak, Alaksiej Dzikavicki, Piotr Marcaŭ, Viktar Marcinovič.

U sustrečy ŭziali ŭdzieł biełaruskija žurnalisty, jakija pracujuć na Biełaruś pa-za jaje miežami, u tym liku ŭ Varšavie; jeŭrapiejskija žurnalisty, jakija pišuć pra Biełaruś; siabry Press Club Polska.

Pakul što Pres-Kłub Biełaruś budzie pracavać u Varšavie, na płatformie i pry padtrymcy Pres-Kłubu Polšča. «Pavodle praviłaŭ sietki mižnarodnych kłubaŭ, jany mohuć isnavać tolki ŭ krainach, dzie svaboda słova, — nie pusty huk, a dziejsnaje paniaćcie.

I jak tolki svaboda słova staniecca ŭ Biełarusi rečaisnaściu, pres-kłub Biełaruś budzie funkcyjanavać niepasredna ŭ Biełarusi.

I mienavita dziela taho, kab pieradumovy dla hetaha byli, — my siońnia pačynajem pracu našaha kłubu», — skazała na pieršaj sustrečy Pres-Kłubu Biełaruś adna ź jaho zasnavalnikaŭ Julija Słuckaja.

Jarasłaŭ Vładarčyk, prezydent Press Club Polska, padkreśliŭ, što adna z funkcyj pres-kłuba, — stać plonnaj kamunikacyjnaj płatformaj dla ludziej, što pracujuć na miedyja-prastory.

AP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH