Kala 30 rabočych budaŭničaha ŭpraŭleńnia №187 horada Słonima admovilisia siońnia vychodzić na pracu z-za taho, što im zatrymlivajuć vypłatu zarobku.
Namieśnik strašyni Słonimskaha rajvykankama Anatol Vianskoŭski vystupaje pierad rabočymi i prosić ich viarnucca na pracoŭnyja miescy
Z ranicy rabočyja pryjechali ŭ prakuraturu rajona sa skarhaj. Da budynka prakuratury pryjechaŭ namieśnik staršyni Słonimskaha rajvykankama Anatol Vianskoŭski i razmaŭlaŭ ź imi.
Rabočyja skardzilisia na toje, što zarobak im pavinny byli vypłacić da 25 červienia, a jany nie atrymali jaho 1 lipienia. Kazali, što heta ŭžo nie pieršy vypadak zatrymki vypłaty zarabotnaj płaty.
Anatol Vianskoŭski abiacaŭ rabočym, što siońnia paśla abiedu im vypłaciać zarobak i prasiŭ rabočych jechać na pracoŭnyja miescy. Sa słoŭ dyrektara budaŭničaha ŭpraŭleńnia Viktara Brajtčuka, rabočyja paśla razmovy z namieśnikam staršyni rajvykankama pajechali na miesca pracy.
