Pravaabaroncy kažuć, što ličba moža być bolšaj.
Jak paviedamiŭ hrodzienski pravaabaronca Viktar Sazonaŭ, na 14.00 siońnia byli pryznačany pieršyja sudy nad udzielnikami maŭklivaj akcyi 3 lipienia. Pa jaho słovach, tolki na hety čas vyklikali 69 čałaviek. Taksama było pasiadžeńnie suda ŭ 15.00. Tamu całkam paćviardžajecca infarmacyja, što ŭ Hrodnie zatrymali 120 čałaviek.
Viktar Sazonaŭ adznačyŭ, što
siońnia nichto nie byŭ asudžany. Tym, kaho vyklikali, biez tłumačeńnia pryčynaŭ uručyli pozvy na 6 lipienia.
Razam z tym zastajecca nieviadomy los tych zatrymanych, jakija noč praviali ŭ izalatary. Siarod ich i žurnalist telekanała «Biełsat» Juryj Humianiuk. Pravaabaronca nie vyklučaje, što ich asudzili padčas vyjazdnoha suda. I ciapier tyja ludzi zastalisia adbyvać administracyjny aryšt. Ale jon padkreśliŭ, što pravieryć takuju infarmacyju pakul nie ŭdałosia.
Udzieł u maŭklivaj akcyi pratestu 3 lipienia ŭ Hrodnie pryniali niekalki socień čałaviek. Pravaabaroncy pryvodziać ličbu ŭ minimum 310 zatrymanych pa ŭsioj krainie.
Kanstytucyja Biełarusi harantuje svabodu schodu i słova, ale na praktycy hetyja pravy čałavieka nie vykonvajucca.