4 studzienia advakatka Kastusia Łukašova nakiravała čarhovuju skarhu pa spravie svajho padabaronnaha. Heta ŭžo piataja skarha, i jana skiravanaja haradzkomu prakuroru Mienska. Redakcyi staŭ viadomy źmiest skarhi. Padajem jaje ŭ pierakładzie na biełaruskuju movu.
19 śniežnia 2006 h. a 12 hadzinie pa miescy svajoj pracy ŭ instytucie hieachimii i hieafizyki Nacyjanalnaj Akademii Navuk Biełarusi byŭ zatrymany i 20 śniežnia uziaty pad vartu Łukašoŭ K.V.
Fakt zatrymańnia paćviardžajecca tym, što ŭ śledčy izalatar jon byŭ źmieščany 20 śniežnia 2006 h.
Pry zatrymańni Łukašova byli parušanyja jahonyja pravy: nia byŭ składzieny pratakoł zatrymańnia, i ŭ suviazi z hetym jamu nie abviaščałasia, nie tłumačyłasia prava mieć abaroncu z momantu zatrymańnia.
19 śniežnia 2006 h., adrazu paśla zatrymańnia, jaho maci zaklučyła pahadnieńnie na atrymańnie jurydyčnych pasłuhaŭ jurydyčnaj kansultacyjaj Pieršamajskaha rajonu h. Miensku, pra što było paviedamlena śledčamu, u vytvorčaści jakoha znachodzicca sprava.
U adpaviednaści z art. 111 KPK Respubliki Biełarusi ŭ vypadku, kali abvinavačany znachodzicca ŭ inšaj miascovaści albo jahonaje znachodžańnie nieviadomaje, orhan kryminalnaha pieraśledu pravamocny vynieści pastanovu pra zatrymańnie hetaj asoby. Zatrymańnie ŭ dadzienych abstavinach nia moža doŭžycca bolej za 72 hadziny z momantu faktyčnaha zatrymańnia. Zatrymanamu moža nie pradjaŭlacca abvinavačańnie ŭ dadzieny termin, kali pa sychodzie 72 hadzinaŭ jon vyzvaleny z-pad varty.
U parušeńni dadzienaj normy KPK Łukašovu pradjaŭlena abvinavačańnie 3 studzienia 2007 h., heta značyć na 15 sutki z momantu ŭviaźnieńnia.
Adpaviedna artykułu 117 KPK na praciahu 10 sutak z momantu prymianieńnia miery zatrymańnia orhan, jaki viadzie kryminalny praces, pavinien pradjavić abvinavačańnie i daprasić asobu pa abvinavačańni. Kali ŭ hety termin abvinavačańnie nia budzie pradjaŭlena, asoba padlahaje nieadkładnamu vyzvaleńniu.
Łukašovu abvinavačańnie pradjaŭlena praz 15 sutak, adpaviedna, jon padlahaje nieadkładnamu vyzvaleńniu ź śledčaha izalataru.
Na padstavie ŭzhadanaha, art 139 KPK Respubliki Biełaruś
Pryznać dziejańni orhanaŭ papiaredniaha raśśledavańnia niezakonnymi i vyrašyć pytańnie nieadkładnaha vyzvaleńnia z-pad varty Łukašova Kanstancina Valancinaviča.
4 studzienia 2006 h.
