Usim hurmanam biełaruskaj kuchni, amataram japonskaj i tym, kamu hrošykaŭ chapaje tolki na suchija suchary, a nie viosły, –- prapanujem! Sušy «Antykryzisnyja» pa-biełarusku i biez cenzury.
Ich lohka pryhatavać u chatnich umovach, na kuchni ŭ 4 kv. m. Ale adčuvańnie kryzisu moža pamianšacca suadnosna pavieličeńniu płoščy kuchni. Tady sušy vyjduć inšyja.
Prapanujem Vam kłasičny recept «Antykryzisnych» sušaŭ.
Zamiest nihiry voźmiem skurku parsiučka, možna krychu padsmažanuju, z pacham dymu. Hałoŭnaje – kab ščeci było pamieniej.
Rys zamienim rodnaj kožnamu biełarusu bulbaj. Možna i jehipieckaj.
A načynim ahurkami dy sałam – heta bližej nam, čym nieviadoma dzie złoŭlenaja čyrvonaja ryba.
Sušy cyrymanijalna ŭžyvajuć z vasabi, a biełaruskija «Antykryzisnyja» – z cybulaj. Nu, i sake zamianiajecca biełaruskim adpaviednikam.
Kali budziecie jeści hetuju stravu, razmovu treba vieści vyklučna pra kryzis i šlachi vychadu ź jaho, pra palityčnuju situacyju ŭ krainie, revalucyju, mir i kachańnie.
Smačna jeści!
