Na čyhunačnaj stancyi Viciebsk 8 lipienia supracoŭnikami transpartnaj milicyi była zatrymana 48-hadovaja žycharka Adzincoŭskaha rajona Maskoŭskaj vobłaści.
Jak paviedamiŭ pres-sakratar upraŭleńnia ŭnutranych spraŭ na transparcie MUS Biełarusi Alaksandr Marčanka, vykładčyca muzyčnaj škoły z parušeńniem paradku praviadzieńnia valutnych apieracyj pamianiała 400 tysiač biełaruskich rubloŭ na 2 tysiačy rubloŭ Centrabanka Rasii 29-hadovamu žycharu Smalenska. U pradaŭca valuty i pakupnika kanfiskavana bolš za 3,7 miljona biełaruskich rubloŭ i 23.544 rasijskija rubli. U dačynieńni da ich składzieny pratakoły ab administracyjnych pravaparušeńniach.
Tam ža śpiecnazam transpartnaj milicyi byŭ zatrymany 29-hadovy žychar Viciebska, jaki z parušeńniem paradku praviadzieńnia valutnych apieracyj abmianiaŭ 400 tysiač biełaruskich rubloŭ na 2 tysiačy rasijskich rubloŭ 31-hadovaj žycharcy Viciebskaha rajona. U ich kanfiskavali bolš za 6,2 miljona biełaruskich rubloŭ i 2 tysiačy rubloŭ Centrabanka Rasii. Składzieny pratakoły ab administracyjnych pravaparušeńniach.
Viačasłaŭ Budkievič, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH