Cyharety biełaruskaj vytvorčaści «Fest» — 559 pačak — znajšli ašmianskija mytniki siońnia, 14 lipienia, nočču na pastu «Kamienny Łoh» u kołach aŭtamabila«Miersiedes-190» .
Vadziciel inšamarki takim aryhinalnym sposabam pieravoziŭ kantrabandu ŭ Litvu. Pa słovach namieśnika načalnika mytni Siarhieja Sobaleva, pradprymalnyja kantrabandysty zabivajuć pačkami cyharet usie čatyry koły svajho aŭtamabila i cichieńka, pa roŭnaj darozie, viazuć hruz da bližejšaha nasielenaha punkta Litvy.
Tam pradajuć cyharety ŭ niekalki razoŭ daražej. Kali kantrabandu na miažy zatrymlivajuć, aŭtamabil, jak srodak jaje pieravozki, kanfiskujuć.
Tamu dla padobnaha «biźniesu» ludzi vykarystoŭvajuć stareńkija tannyja mašyny.
0
0
0
0
0
0
