Nizka schilajusia pierad ludźmi, jakija robiać maŭklivuju revalucyju. Małajcy! Mnie 70 hadoŭ, i vyjšaŭ na płošču horada Słucka, ale nie paśpieŭ dałučycca da dziasiatku ludziej, što stajali pasiarod płoščy.Ich pačali zabirać, i ja byŭ uražany tym, što padychodzili ludzi ŭ cyvilnym, pakazvali niejkaje paśviedčańnie — i maładyja ludzi spakojna išli za imi da mašyn. Nichto nie vyklikaŭ narad milicyi, kab pierakanacca, chto advodzić ludziej. Paśviedčańnie lubych słužbaŭ, možna kupić na rynku ŭ Maskvie. A kali b heta była nie milicyja, i jany b apynulisia nie ŭ rajonnym adździaleńni milicyi, a ŭ lesie, i potym ich znajšli b biez nyrak ci inšych orhanaŭ? Bo ŭ lichija
Tamu ja raju ludziam, jakija vychodziać na płošču dla masavych akcyj, mieć pry sabie nie tolki pašpart ale, i Kanstytucyju Respubliki Biełaruś. I kali da vas padydzie čałaviek i pakaža paśviedčańnie milicyjanta, vy jamu pračytajcie artykuł 3. «Adzinaj krynicaj dziaržaŭnaj ułady i nośbitam suvierenitetu ŭ Respublicy Biełaruś źjaŭlajecca narod». Heta značyć, narod naniaŭ da siabie na pracu prezidenta i jaho ŭładu, a taksama milicyju. Narod kupiŭ dla milicyi formu, tamu, kali łaska, apranisia pa formie, padydzi pa statucie i ahuč pryčynu zatrymańnia.
Treci artykuł Kanstytucyi daje vam prava znachodzicca na płoščy kolki vam zachočacca i kali zachočacca, tamu što jana pabudavanaja za vašy hrošy i vašymi rukami. Kali milicyja pradjavić vam zakon, jaki zabaraniaje pravodzić vyvučeńnie Kanstytucyi na płoščy ŭ prysutnaści inšych asobaŭ, tady adkryjem artykuł 112: «Kali zakon nie adpaviadaje Kanstytucyi, to varta dziejničać nie pa zakonie, a ŭ adpaviednaści z Kanstytucyjaj».
Tady maŭklivaja revalucyja pieratvarycca ŭ škołu vyvučeńnia Kanstytucyi, Vy navučycie milicyju, dziejničać u adpaviednaści z Kanstytucyjaj. Prezidentu Respubliki Biełaruś nie patrebnyja ludzi, jakija ŭmiejuć pravilna tłumačyć Kanstytucyju, jamu daviadziecca dobraachvotna padać u adstaŭku.
