Łukašenka vykazaŭ spačuvańni ŭ suviazi sa śmierciu kardynała Kazimira Śviontka 6

U suviazi sa śmierciu kardynała Kazimira Śviontka Alaksandr Łukašenka vykazaŭ spačuvańni Kanfierencyi katalickich biskupaŭ Biełarusi, śviataram i viernikam Rymska-katalickaj carkvy. Pra heta paviedamiła pres-słužba prezidenta.

Apostalski administratar Pinskaj dyjacezii Rymska-katalickaj carkvy ŭ Biełarusi kardynał Kazimir Śviontak pamior siońnia ranicaj na 96-m hodzie žyćcia. Jon pamior u pinskaj balnicy, dzie znachodziŭsia z 10 sakavika.

«Heta ciažkaja strata dla katalickaj supolnaści napoŭniła našy sercy hłybokim bolem i smutkam», — havorycca ŭ spačuvańni ad imia Łukašenki.

Zaznačajecca, što pieršy biełaruski kardynał Kazimir Śviontak stajaŭ la vytokaŭ adradžeńnia Rymska-katalickaj carkvy ŭ Biełarusi. Dziakujučy jaho namahańniam adnaŭlalisia śviatyni, budavalisia novyja chramy, pačała pracavać Pinskaja vyšejšaja duchoŭnaja sieminaryja, było raspačata šmat dobrych i karysnych spraŭ. Asablivuju ŭvahu ijerarch nadavaŭ vychavańniu tradycyj chryścijanskaj maralnaści, zachavańniu duchoŭnaj i kulturnaj spadčyny.

«Dla mnohich pakaleńniaŭ śviataroŭ i viernikaŭ kardynał Śviontak staŭ sapraŭdnym śviedkam viery, nastaŭnikam i daradcam, prykładam samaachviarnaha i adkaznaha vykanańnia svaich pastyrskich abaviazkaŭ», — havorycca ŭ spačuvańni. Jak zaznačyŭ Łukašenka, kardynał karystaŭsia zasłužanaj pavahaj nie tolki ŭ Biełarusi, ale i va ŭsim katalickim śviecie.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH