Tranzyt rasiejskaj nafty praź Biełaruś u Polšču, Niamieččynu i Ŭkrainu robić respublikanskaje ŭnitarnaje pradpryjemstva «Homieltransnafta» «Družba». «Homieltransnafta» źjaŭlajecca biełaruskaj dziaržaŭnaj ułasnaściu, jaho ahulnaja praciahłaść 1923 kiłamietry, u tym liku tranzytny kalidor – 650 kiłametraŭ. Na «Homieltransnaftu» prypadaje 70% naftavaha tranzytu praź Biełaruś.
Tranzyt rasiejskaj nafty ŭ nakirunku krainaŭ Bałtyi robić Navapołackaje respublikanskaje ŭnitarnaje pradpryjemstva «Družba», jakoje taksama znachodzicca va ŭłasnaści biełaruskaj dziaržavy. Ahulny abjom rasiejskaj nafty, pierapampavany praz hetyja dva pradpryjemstvy letaś, składaje bolš za 90 miljonaŭ tonaŭ, što ŭ svaju čarhu składaje pryblizna pałovu ŭsiaho rasiejskaha naftavaha ekspartu. Praz Ukrainu Rasieja pierapampoŭvaje ŭdvaja mieniej nafty, čym praź Biełaruś.
Rasiejski haz praź Biełaruś pierapampoŭvajecca praz «Biełtranshaz» i hazapravod «Jamał – Zachodniaja Eŭropa». Daŭžynia biełaruskich hazatranspartnych sietak składaje 575 kilametraŭ, heta amal udvaja mieniej, čym daŭžynia ŭkrainskich sietak. «Biełtranshaz» – akcyjanernaje tavarystva, ale na ciapierašni momant 100% jaho akcyjaŭ naležać biełaruskaj dziaržavie. Biełaruskaja častka hazapravodu «Jamał – Zachodniaja Eŭropa», jakaja ŭstupiła ŭ dziejańnie ŭ 1999 hodzie, źjaŭlajecca ŭłasnaściu rasiejskaj kampanii «Hazprom».
Pavodle abjomaŭ rasiejskaha hazu, jaki pierapampoŭvajecca, biełaruskaja hazatranspartnaja systema sastupaje tolki słavackaj i ŭkrainskaj. Letaś praz «Jamał – Zachodniaja Eŭropa» ŭ Eŭropu było pierapampavana kala 30 miljardaŭ kubametraŭ rasiejskaha hazu, praz «Biełtranshaz» – 14,5 miljardaŭ kubametraŭ.
Asnoŭny nakirunak tranzytu praz hazapravod «Jamał‑Zachodniaja Eŭropa» – Polšča, Niamieččyna; praz «Biełtranshaz» haz idzie ŭ krainy Bałtyi i Kalininhrackuju vobłaść Rasiei.
NAFTA
Tranzyt u 2006 hodzie – bolš za 90 miljonaŭ tonaŭ.
Pradpryjemstvy‑tranzytery:
Respublikanskaje ŭnitarnaje pradpryjemstva «Homieltransnafta» (70%), Navapołackaje Respublikanskaje ŭnitarnaje pradpryjemstva «Družba» (30%).
Forma ŭłasnaści: abodva – dziaržaŭnyja pradpryjemstvy Biełarusi.
Praciahłaść naftapravodaŭ: 650 kilametraŭ.
HAZ
Tranzyt u 2006 hodzie – 44,5 miljardaŭ kubametraŭ.
Pradpryjemstvy – tranzytery:
«Biełtranshaz» (23%), «Jamał – Zachodniaja Eŭropa»(67%).
Forma ŭłasnaści: «Biełtranshaz» – akcyjanernaje tavarystva, 100% akcyjaŭ va ŭłasnaści dziaržavy, «Jamał‑Zachodniaja Eŭropa» – ułaśnik: rasiejskaja kampanija «Hazprom».
Praciahłaść hazapravodaŭ – 575 kilametraŭ.
