U čym vyhada ad prodažu Biełtranshaza? Jakimi stratami pahražaje hetaja ŭhoda biełaruskaj ekanomicy? Ci možna pradać Biełtranshaz jeŭrapiejcam? «Biełaruskamu partyzanu» ŭdałosia pahutaryć z krynicaj, blizkaj da pieramovaŭ, jakaja padzialiłasia svaim mierkavańniem na hety kont.
— Navošta Hazpromu Biełtranshaz?
— Hazprom atrymlivaje dobry ryčah cisku na Biełaruś, ale, tym nie mienš, nieabchodna razumieć: kali Biełtranshaz budzie pradadzieny Hazpromu, prapampoŭka pa trubie (trubie BTH — zaŭv. «BP») źmianšacca nie budzie. Chutčej za ŭsio, Hazprom budzie źnižać ekspart praz Ukrainu, ale praź Biełaruś jon padać nie stanie. Naturalna budzie karektavańnie taryfaŭ, bolš svabodnaje cenaŭtvareńnie, rost cenaŭ.
Treba razumieć, što luby inviestar, układvajučy hrošy, choča atrymać prybytak. U tym liku ŭ vyhladzie viartańnia toj sumy, jakuju jon ukłaŭ, praź niejki čas. Heta zrazumieła, što suma, jakuju ŭkłaŭ Hazprom pieršapačatkova, budzie viartacca nie za adzin hod i navat nie za 10 hadoŭ.
Adnak u hetaj situacyi Hazprom kuplaje sabie ŭpeŭnienaść u tym, što haz u Jeŭropu budzie traplać u lubym vypadku. Heta značyć, što pry niejkich abvastreńniach i «hazavych vojnach» pamiž Hazpromam i Ukrainaj haz dla jeŭrapiejskich spažyŭcoŭ dojdzie ŭ poŭnym abjomie. Z kuplaj Biełtranshaza Rasija atrymlivaje harantavany tranzit, pryčym pa nievysokaj canie.
Dla Hazproma heta nie stolki ekanamičnaje, kolki palityčnaje nabyćcio. Pry
— Što stračvaje ŭ hetaj uhodzie Biełaruś?
— Akramia taho, što Biełaruś stračvaje aktyŭ, my jašče stračvajem peŭnyja prybytki. Treba razumieć, što inviestar nie ŭkładvaje hrošy prosta tak. Jon ŭkładvaje, kab atrymlivać prybytak, i jon budzie hety prybytak vyvodzić z krainy.
Dla biudžetu krainy heta budzie aznačać źmianšeńnie pastupleńniaŭ. Pry luboj sprobie ŭździejańnia zvonku, jak lubić dziejničać naša dziaržava, inviestar moža skazać: «Tak, chłopcy, tut pryvatnaje pradpryjemstva i my ničoha zvyš taho, što płacim, addavać nie budziem».
— Čamu my idziem na taki niedalnabačny krok?
— Tut situacyja inšaja. Jość pieršačarhovaje pytańnie. «Kamu patrebnyja hrošy»? Hrošy patrebnyja Biełarusi. Handlavacca i vykručvać ruki možna tady, kali tabie hrošy asabliva nie patrebnyja. U našym stanoviščy ŭvieś handal zvodzicca da manałohu: «Kali vam patrebnyja hrošy — vy idziacie na našyja ŭmovy. Kali niama, to my nie budziem śpiašacca z kuplaj, nam nie haryć».
— Chiba Biełtranshaz nie moh by zacikavić Jeŭropu?
— Sprava ŭ tym, što enierhietyčnaja biaśpieka Respubliki Biełaruś zaležyć u tym liku ad pastavak hazu, i adzin sa sposabaŭ pazbavicca hazavaha dyktatu Rasii — heta vykarystoŭvać jeŭrapiejski terminał SPH (zvadkavanaha pryrodnaha hazu — zaŭv. «BP»). Ale heta nie tak prosta i nie tak tanna, jak chaciełasia b. Biełaruś viała pieramovy ź Litvoj, Łatvijaj, samaj cikavaj była prapanova Estonii, ale dalej za pieramovy hetaja sprava nie zrušyłasia.
Ciapier vyrašajecca pytańnie, dzie budzie stajać terminał na Bałtycy, budzie heta Estonija abo Łatvija (chutčej za ŭsio Ryha). Litva adpadaje z šerahu pryčyn: kali jany i buduć budavać terminał, to samastojna, pad jeŭrapiejskija hranty heta budaŭnictva nie traplaje.
I kali dapuścić prodaž Biełtranshazu jeŭrapiejcam, to možna było b kazać pra cełasnuju sistemu, jakaja złučaje praź Biełaruś terminał na Bałtycy i terminał u Polščy. Takim čynam, Jeŭropa harantavała b sabie tranzit, ale paŭstaje inšaje pytańnie — navošta heta jeŭrapiejcam siońnia? Tym bolš pry takich naciahnutych adnosinach ź Minskam. -To bok kali b my vyrašyli svaje palityčnyja roznahałośsi ź Jeŭropaj, to ŭhoda mahła b adbycca?
— Kali b adnosiny byli narmalnyja, to možna było b u ramkach taho ž Uschodniaha partniorstva zrabić ruch nasustrač adno adnamu. A pakul nijakich inviestycyj ź Jeŭropy być nie moža.
