U hety momant adbyvajecca pieratrus u kvatery viadomaha błohiera Jaŭhiena Lipkoviča. Pra heta ŭ fejsbuku paviedamiła juryst Darja Katkoŭskaja, jana budzie paniatoj pry vobšuku.
Milicyja takim čynam źbirajucca pravieryć datyčnaść Lipkoviča da złačynstva pa artykule 370 KK «Abraza dziaržaŭnych simvałaŭ».
Hienieralnaja prakuratura zaviała kryminalnuju spravu pa fakcie abrazy dziaržaŭnaj simvoliki ŭ błohu Lipkovich.livejournal.com jašče ŭ siaredzinie červienia. Potym sprava pieradadzienaja ŭ HUUS Minharvykanka.
Havorka viadziecca pra hrafičnyja vyjavy, jakija byli źmieščany ŭ dziońniku 25 vieraśnia 2010 hoda i 5 maja 2011. Pavodle 370 artykuła praduhledžanaja sankcyja da adnaho hoda abmiežavańnia voli.
«Vajennych złačynstvaŭ ja nie ździajśniaŭ. Dziaržaŭnuju simvoliku taksama nie abražaŭ», — prakamientavaŭ Lipkovič spravu dla «NN».
* * *
Jak stała viadoma, pieratrus doŭžyŭsia kala hadziny. U Lipkoviča vyniali kampjutar.
U pastanovie na vobšuk było napisana, što na
Kryminalnaja sprava była zaviedzienaja namieśnikam hienieralnaha prakurora Mikałajem Kuklisam.
Paniatymi zaprasili znajomych Lipkoviča jurystku Darju Katkoŭskuju i pravaabaroncu Alenu Tankačovu.
