Staršynia Fiederacyi prafsajuzaŭ Biełarusi miarkuje, što «ideja Alaksandra Łukašenki ab nieabchodnaści pabudovy sacyjalna aryjentavanaj dziaržavy» zasłuhoŭvaje Nobieleŭskaj premii ŭ halinie ekanomiki.
Pra heta jon zajaviŭ u intervju haziecie «Biełaruski čas».
Ideja Alaksandra Łukašenki ab nieabchodnaści pabudovy sacyjalna aryjentavanaj dziaržavy ŭjaŭlaje saboj ideju «suśvietnaha značeńnia, novaje słova ŭ teoryi raźvićcia hramadstva i dziaržavy».
Dla pierachodu da takoha dziaržaŭnaha ładu, na dumku kiraŭnika FPB, Biełarusi treba «pravilna vyznačyć pryjarytety, znajści praktyčnyja šlachi vyrašeńnia prablem, jakija uźnikajuć pry pabudovie hramadstva z sacyjalna aryjentavanaj ekanomikaj, pieramahčy unutranuju karupcyju, razhildziajstva, razbazarvańnie najaŭnych resursaŭ, abstrahavacca ad ruciny minułaha».
Staršynia fiederacyi adznačyŭ, što na šlachu da padobnaj dziaržavy stajać takija prablemy, jak «rost cenaŭ na tavary i pasłuhi, adsutnaść kantrolu dziaržavy za ekanamičnymi pracesami, źnižeńnie ŭzroŭniu žyćcia nasielnictva».
