Roźničny tavaraabarot u Biełarusi ŭ červieni 2011 hoda ŭ paraŭnańni z majem źniziŭsia na 20%.
Źnižeńnie roźničnaha tavaraabarotu ŭ červieni abumoŭlena stabilizacyjaj na spažyvieckim rynku. Ab hetym zajaviŭ siońnia žurnalistam namieśnik ministra ekanomiki Alaksandr Jarašenka.
«Ciapier u realnym vyražeńni, skarekciravanym na ŭzrovień inflacyi, roźničny tavaraabarot źniziŭsia ŭ červieni ŭ paraŭnańni z majem amal na 20 pracentaŭ, — adznačyŭ Alaksandr Jarašenka. — Heta śviedčyć ab tym, što ažyjatažny popyt na tavary, jaki mieŭ miesca pieršyja 4–5 miesiacaŭ, pajšoŭ na spad, ažyjatažnaha popytu niama, situacyja stabilizavałasia».
Namieśnik ministra vykazaŭ i inšyja dadatnyja i admoŭnyja pakazčyki raźvićcia ekanomiki krainy ŭ pieršym paŭhodździ. Rost ekanomiki byŭ abumoŭleny pašyreńniem unutranaha popytu, jakomu sadziejničaŭ rost hrašovych dachodaŭ nasielnictva, a taksama praviadzieńnie niažorstkaj
Adnak pryniatyja miery dali mahčymaść stabilizavać situacyju, adznačyŭ namieśnik ministra. Pravodzicca manitorynh na ŭnutranym rynku, pavialičany adhruzki pradukcyi, uviedziena svabodnaje cenaŭtvareńnie. U vyniku ŭ červieni ŭ paraŭnańni z papiarednim miesiacam ažyjatažny popyt pajšoŭ na spad.