Alaksandr Łukašenka raskrytykavaŭ tempy realizacyi inviestprajekta pa budaŭnictvie Asipovickaha vahonabudaŭničaha zavoda.
Ab hetym jon zajaviŭ siońnia, naviedvajučy heta pradpryjemstva, dzie adbyłasia narada pa pytańnie stvareńnia z udziełam ZAT «Hrand Ekspres» sučasnaj vahonabudaŭničaj vytvorčaści ŭ Asipovičach.
Jak adznačyŭ kiraŭnik dziaržavy, raźvićcio vahonabudavańnia ŭ Biełarusi — vielmi važny napramak dla ekanomiki krainy ŭ cełym. Jon nahadaŭ, što raniej im było pryniata rašeńnie ab stvareńni ŭ krainie sučasnych mahutnych pradpryjemstvaŭ pa vytvorčaści hruzavych i śpiecyjalnych vahonaŭ. «Hetym zdymalisia nie tolki vostryja transpartnyja prablemy, ale i adkryvaŭsia pierśpiektyŭny napramak raźvićcia pramysłovaści, naroščvańnie ekspartnaha patencyjału za košt jak prodažu vypuskajemych vahonaŭ, tak i pašyreńnia pasłuh pa pieravozcy hruzaŭ», — skazaŭ jon.
Pavodle jaho słoŭ, pieršy etap projdzieny ŭžo: stvorany i nabiraje razmach sučasny zavod pa vytvorčaści vahonaŭ u Mahilovie. «Na praciahu 1,5–2 hadoŭ hety zavod pavinien vyrablać uvieś śpiektr kamplektujučych dla vytvorčaści taho kłasa vahonaŭ, jakija my budziem vyrablać u Mahilovie. U bližejšy čas my pahladzim i heta pradpryjemstva», — adznačyŭ jon.
Druhi punkt rostu, pradoŭžyŭ Alaksandr Łukašenka, — pradpryjemstva ŭ Asipovičach. U svoj čas było pryniata rašeńnie stvaryć tut na bazie ramontnaha depo jašče adzin mahutny centr ajčynnaha vahonabudavańnia. Byli vyznačany ŭmovy realizacyi hetaha inviestycyjnaha prajekta, krynicy finansavańnia, ahavorany terminy ŭvodu ŭ stroj mahutnaściej, namiečany miery pa raźvićciu sacyjalnaj śfiery dla pryciahnieńnia i zamacavańnia kvalifikavanych rabočych i śpiecyjalistaŭ.
«Na samaj spravie — daŭhabud. I što ździŭlaje,
aŭtary hetaha daŭhabudu — rodnaja dziaržava ŭ asobie ŭrada, rodny manapalist u asobie Biełaruskaj čyhunki i pryvatnaje pradpryjemstva (rasijskaje ZAT „Hrand Ekspres“),jakoje tak pałka chacieła tut razharnuć vytvorčaść, prasiła čas, ilhoty, harantyi i h.d. Usio atrymali. U vyniku — daŭhabud, — padkreśliŭ Alaksandr Łukašenka. — Tempy rabot — nikudy nie vartyja. Pastajanna ŭźnikajuć prablemy, niestykoŭki, uzajemnyja pretenzii akcyjanieraŭ. Terminy zaviaršeńnia budaŭnictva nieadnarazova pieranosilisia, prytym u asnoŭnym
Ja dadaŭ by —z-za niapavarotlivaści, razhildziajstva».
Jak adznačyŭ jon, urad u hetym pytańni zamiest pryniaćcia enierhičnych mier zaniaŭ inšuju pazicyju, puściŭšy ŭsio na samaciok. U vyniku pad pahrozaj zryvu apynuŭsia ŭvod u ekspłuatacyju zavoda, što zusim niedapuščalna.
«U čym sprava? Čamu nie budujem? Čamu zryvajem važny inviestycyjny prajekt?»,
— takija pytańni pastaviŭ pierad udzielnikami narady kiraŭnik dziaržavy. Pry hetym jon papiaredziŭ: «Nijakich pieranosaŭ terminaŭ bolš nie budzie. Damovilisia — treba vykonvać uziatyja na siabie abaviazacielstvy».
Alaksandr Łukašenka ŭ suviazi z hetym taksama adznačyŭ peŭnuju absurdnaść u isnujučaj situacyi, pakolki kiraŭniku dziaržavy davodzicca padšturchoŭvać faktyčna pryvatnaje pradpryjemstva da taho, kab jany bolš i chutčej zarablali hrošy.
«Nie budziecie rabić vy, nie zrobicie da kanca hoda, my ad vašych pasłuh admovimsia i budziem zajmacca hetym sami. Vahonabudaŭničaja vytvorčaść u krainie budzie. Pytańnie ŭ tym, z vami abo z kimści inšym», — padkreśliŭ Alaksandr Łukašenka, zapatrabavaŭšy dałažyć jamu, čamu nie vykonvajucca daručeńni pa budaŭnictvu zavoda, a taksama što nieabchodna zrabić dla biezumoŭnaha ŭvodu ŭ stroj va ŭstanoŭlenyja terminy ŭzvodzimych abjektaŭ.
Sumiesnaje zakrytaje akcyjaniernaje tavarystva «Asipovicki vahonabudaŭničy zavod» stvorana na bazie Asipovickaha vahonnaha depo ŭ 2008 hodzie ŭ adpaviednaści z daručeńniem prezidenta. Jaho zasnavalniki — rasijskaje ZAT «Hrand ekspres», dola jakoha ŭ statutnym fondzie składaje 74 pracenty, i Biełaruskaja čyhunka, jakoj naležyć 26 pracentaŭ akcyj.-
