Siarhiej Rumas: Adziny kurs valut — adna z klučavych zadač 13

Z-za množnaści kursaŭ pradpryjemstvy imknucca adterminavać pastupleńnie ekspartnaj vyručki, kab paźbiehnuć abaviazkovaha prodažu valuty pa zanižanym kursie.

photo.bymedia.net

Pra heta na pasiadžeńni Savieta ministraŭ u Minsku 2 žniŭnia zajaviŭ vice-premjer Siarhiej Rumas.

Na hety momant skłalisia try kursy:

aficyjny — 5.000 rubloŭ za dołar ZŠA, cieniavy najaŭny — 6.200, cieniavy bieznajaŭny — 6.800. «I my nazirajem vydatki takoj situacyi. Subjekty haspadarańnia imknucca adterminavać pastupleńnie ekspartnaj vyručki, kab paźbiehnuć jaje abaviazkovaha prodažu pa zanižanym kursie», — padkreśliŭ Rumas. Novaj źjavaj u takoj situacyi staŭ, pavodle jaho słoŭ, adychod pradpryjemstvaŭ ad raźlikaŭ u svabodna kanviersavanaj valucie.

«Siońnia bačna dynamika pierachodu da raźlikaŭ u valucie, jakaja nie padlahaje abaviazkovamu prodažu na biržy. Za šeść miesiacaŭ hetaha hoda suma pastupleńnia ad ekspartu ŭ biełaruskich rublach uzrasła amal u 4 razy ŭ paraŭnańni ź minułym hodam. Miž tym u abmiežavana kanviersavanych valutach — amal u 9 razoŭ», — skazaŭ Rumas. Udzielnaja vaha takich pastupleńniaŭ u ahulnym abjomie ekspartnaj vyručki ŭzrasła z 1,5 da 6%.

Vice-premjer nahadaŭ, što nasielnictva niekalki miesiacaŭ nie maje mahčymaści svabodna nabyvać zamiežnuju valutu i vymušana źviartacca da pasłuh cieniavoha siektara.

Jon padkreśliŭ, što adziny kurs — adna z klučavych zadač. Pavodle słoŭ Rumasa,

z momantu vychadu na adziny kurs žorstkaja hrašova-kredytnaja palityka pavinna stać hałoŭnym rehulataram jaho źmieny.

«Źjaŭleńnie pavyšanaha popytu na valutu pavinna nieści za saboj nieadkładnaje prymianieńnie žorstkich mier rehulavańnia.

Vymušanaj mieraj budzie pavyšeńnie na niepraciahły pieryjad staŭki Nacbanka, u tym liku staŭki refinansavańnia i stavak pa instrumientach padtrymki likvidnaści»,

 — zaznačyŭ vice-premjer.

Jon paviedamiŭ, što aktualnym taksama budzie pytańnie rekapitalizacyi dziaržbankaŭ. «Užo ŭ trecim kvartale ŭrad uniasie adpaviednuju prapanovu», — skazaŭ Rumas.

Vice-premjer upeŭnieny, što «paŭnata realizacyi hetych mier pradvyznačyć paśpiachovaść stratehii pa vychadzie na adziny abmienny kurs, pavysić davier da bankaŭskaj sistemy i zabiaśpiečyć dadatkovy prytok srodkaŭ nasielnictva, jakija pavinny stać krynicaj finansavańnia ekanomiki na nieemisijnaj asnovie».

Rumas dadaŭ, što paśla vychadu na adziny kurs vielmi važna zabiaśpiečyć ustojlivaść abmiennaha kursu ŭ doŭhaterminovaj pierśpiektyvie. «Dla hetaha daviadziecca vyklučyć viartańnie da miechanizmu emisijnaj padtrymki tempaŭ ekanamičnaha rostu, vykarystać bolš hnutki režym abmiennaha kursu, realizavać žorstkuju hrašova-kredytnuju i biudžetna-padatkovuju palityku», — padkreśliŭ vice-premjer.

Andrej Kažamiakin, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH