Pravaachoŭnym orhanam udałosia raskryć zabojstva, učynienaje ŭ Minsku 18 lipienia 1992 hoda.
Jak paviedamiŭ BiełaPAN staršy pamočnik prakurora Minska Siarhiej Bałašaŭ, złačynstva było ŭčyniena ŭ kvatery doma na vulicy Siarova, dzie 38-hadovaja haspadynia adpačyvała z 28-hadovym siabram. Svarka, što ŭźnikła pamiž imi, skončyłasia bojkaj z vykarystańniem nažoŭ i prasa, padčas jakoj žančyna była zabitaja. Zahinułaja pracavała sartavalnicaj na adnym z pradpryjemstvaŭ stalicy. 20 lipienia pa fakcie zabojstva prakuraturaj Kastryčnickaha rajona była raspačata sprava na padstavie artykuła 101 Kryminalnaha kodeksa ŭ redakcyi 1960 hoda.
Ustanavić złačyncu ŭdałosia tolki ŭ žniŭni 2011 hoda dziakujučy ŭ tym liku ekśpiertnym daśledavańniam, jakija stali mahčymyja ŭ apošnija hady, adznačyŭ Bałašaŭ. Zatrymany, rabočy adnaho ź minskich pradpryjemstvaŭ, užo daŭ pryznalnyja pakazańni.
