Łukašenka pravodzić naradu pa pytańniach sacyjalna-ekanamičnaha raźvićcia 3

U Administracyi prezidenta prachodzić narada pa aktualnych pytańniach sacyjalna-ekanamičnaha raźvićcia. Asnoŭnaja tema — situacyja na valutnym rynku. Nie vyklučana, što pavodle vynikaŭ narady budzie pryniata rašeńnie ab vychadzie na adziny abmienny kurs biełaruskaha rubla.

Ab padrychtoŭcy narady, pryśviečanaj pryniaćciu «pryncypovych rašeńniaŭ, jakija šmat u čym vyznačać ekanamičnuju stratehiju biełaruskaj dziaržavy», pres-słužba prezidenta paviedamlała jašče 1 žniŭnia paśla sustrečy Alaksandra Łukašenki z prem'jer-ministram Michaiłam Miaśnikovičam. «Padčas sustrečy abmiarkoŭvałasia pryznačanaja na druhuju pałovu žniŭnia narada z udziełam urada i praŭleńnia Nacyjanalnaha banka, dzie buduć razhledžany pytańni funkcyjanavańnia ekanomiki ŭ ciapierašnich umovach i pryniaty surjoznyja rašeńni pa valutnaj i ekanamičnaj palitycy ŭ hetym hodzie, a taksama vyznačany zadačy na 2012 hod», — havaryłasia ŭ paviedamleńni pres-słužby.

Varta adznačyć, što

29 žniŭnia saviet dyrektaraŭ Mižnarodnaha valutnaha fondu płanuje razhledzieć zajaŭku Biełarusi na vydzialeńnie stabilizacyjnaha kredytu ad 3,5 da 8 miljardaŭ dołaraŭ ZŠA

. Takaja zajaŭka była nakiravana biełaruskim uradam u MVF 31 maja.

Kab raźličvać na atrymańnie kredytu, Biełaruś pavinna padać zładžanuju antykryzisnuju prahramu, zajaviła 4 žniŭnia ŭ Minsku pastajanny pradstaŭnik MVF Natalla Kaladzina. Pavodle jaje słoŭ, urad pavinien padać jak pakiet mier u halinie makraekanamičnaj palityki, tak i pakiet strukturnych pieraŭtvareńniaŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH