U Biełarusi budzie pradoŭžana palityka indeksavańnia dapamoh, piensij, stypiendyj i zarpłat na rost inflacyi i cen.
Ab hetym zajaviŭ siońnia Alaksandr Łukašenka na naradzie ab aktualnych pytańniach
«I choć nas krytykujuć za toje, što my pavialičyli piensii i indeksavali zarpłaty, ale takaja palityka nieabchodna, i jana budzie pradoŭžana», — skazaŭ kiraŭnik dziaržavy. Na jaho dumku,
rost cen nie taki strašny,pakolki hetyja hrošy ŭsio roŭna tak ci inakš zastanucca ŭ pradpryjemstvaŭ. Značna važniej — ci chapaje hrošaj u nasielnictva dla taho, kab prakarmić siabie i svaju siamju, ci stvorany ŭ krainie ŭmovy dla taho, kab nasielnictva mahło zarabić hetyja hrošy. «Ci zdolna nasielnictva pry tym, što my majem dobry abjom vytvorčaści małaka i miasa, inšych praduktaŭ, siońnia narmalna charčavacca? Ci chapaje ŭ nasielnictva dla hetaha hrošaj? Ja nie havaru pry hetym, što treba vykinuć mnostva hrošaj, jak heta było raniej. Hrošy treba zarabić. Ale ci stvaryli my ŭmovy dla taho, kab čałaviek moh zarabić stolki hrošaj, kab prakarmić siabie i svaju siamju», — skazaŭ jon.
U suviazi z hetym Alaksandr Łukašenka zapatrabavaŭ ad urada dałažyć, ci ŭsie ryčahi sacyjalnaj padtrymki nasielnictva zadziejničany, i ŭ pieršuju čarhu — małazabiaśpiečanych hramadzian.
0
0
0
0
0
0
