«Vot vybory prošli i krajnieho našli: korriespondient Počobut, zachodi», — śpiavajuć hrodzienskija zeki.
Hrodzienski žurnalist Andrej Pačobut praciahvaje apisvać u svaim dziońniku pobyt hrodzienskaj turmy, u jakoj u čakańni suda za paklop na Łukašenku daviałosia pravieści try miesiacy. Hetym razam Andrej piša pra turemnuju tvorčaść.
«U haradzienskaj turmie, čuŭ pierarobleny i adaptavany da haradzienskaj rečasinaści chit Michaiła Kruha “Vładimirskij Cientrał”, što cikava, kali ja zajechaŭ u turmu, to ŭ hetym “chicie” źjaviłasia i majo proźvišča», — piša Andrej. Jon koratka pierakazvaje siužet pieśni, «prostaj, jak artykuł Kryminalnaha kodeksa». Śledčy-milicyjant vybivaje z maładoha chłopca pakazańni i sadzić jaho ŭ turmu, a potym i sam tudy traplaje.
Pačobut piša, što całkam tekst nie pamiataje, a jaho źmiest budzie zrazumieły tolki tym, chto sam siadzieŭ u turmie. Jon pryvodzić prykład i rasšyfroŭvaje jaho.
I Hoblin korpusnoj prižał “konia” nohoj.
Po “panoramie” śviaź letit “alo-malo”.
«Miša Hoblin — realny piersanaž, praparščyk, zmahajecca ź mižkamiernaj suviaźziu i kanfiskuje ŭ hałoŭnaha hieroja “kania” — viaroŭku, z dapamohaj jakoj pierakidvajucca zapiski pamiž kamierami. U vyniku hałoŭny hieroj pavinien razmaŭlać ź siabrami z susiednich kamier praz “panaramu” — adklučajučy trubu, jakaja złučaje kran z kanalizacyjaj. “Alo-malo”, albo “u-ru-ru” — tak, dadajučy numar kamiery, vyklikajuć “praz panaramu” na suviaź.
Naprykancy Andrej cytuje frahmient, pryśviečany jamu:
Kto tolko nie popał, na hrodnienskij cientrał:
Ubijcy, narkomany i vory.
Vot vybory prošli i krajnieho našli.
Korriespondient Počobut, zachodi.
***
Andreja Pačobuta sudzili pa dvuch kryminalnych artykułach: 368 (častka I) — «abraza» i 367 (častka I) — «paklop» u adnosinach da Łukašenki. 5 lipienia sud Leninskaha rajona pryznaŭ Andžeja Pačobuta vinavatym u paklopie na adras prezidenta Łukašenki i prysudziŭ da troch hadoŭ pazbaŭleńnia voli z adterminoŭkaj na 2 hady. Druhoje abvinavačvańnie ŭ abrazie prezidenta z žurnalista było źniata za adsutnaściu składu złačynstva.
Hladzi jašče: Pačobut: Jak da mianie padsialili «stukača».
