Pomnik da Dnia biełaruskaha piśmienstva zamoviŭ Hancavicki rajvykankam.
Siamiejnaja para bresckich skulptaraŭ vyrabiła da Dnia biełaruskaha piśmienstva biust maładoha Jakuba Kołasa. Ustanoŭka pomnika vialikamu piśmieńniku prymierkavana da Dnia biełaruskaha piśmienstva, jaki projdzie ŭ Hancavičach 4 vieraśnia. Jak raspaviali «BH» stvaralniki pomnika Pavieł Hierasimienka i Alesia Hruščankova, inicyjatyva zachavać u bronzie i hranicie mienavita maładoha Jakuba Kołasa pryjšła ad administracyi Hancavickaha rajvykankama. Bresckija tvorcy acanili aryhinalnaść kancepcyi i ŭzialisia za pracu. «Ideja nam spadabałasia. Kołas — postać viadomaja. Jon jak Lenin — paŭsiul. A voś maładoha jašče nidzie niama. Plus da taho Kołas byŭ maładym, kali pracavaŭ na Hancaŭščynie», — rastłumačyŭ «BH» Pavał Hierasimienka.
Alesia Hruščankova dadała, što padčas pracy aryjentavalisia na stvareńnie vobraza ramantyka-revalucyjaniera: «My ŭ Internecie znajšli zdymki Kołasa roznych hadoŭ i pasprabavali stvaryć zborny partret». Tvorčy kalektyŭ muža i žonki-skulptaraŭ i architektara Iryny Vajtenka pracavaŭ nad biustam sa studzienia hetaha hoda. Sprava zastałosia za małym — dačakacca pakul svaju, finalnuju, častku pracy skončyć minskaje liciejnaja pradpryjemstva. Pomnik płanujecca ŭstalavać u kancy alei, pryśviečanaj jak piśmieńnikam sučasnaści (vychadcam z rajona), tak i Kołasu.
