Charčovyja kirmašy ŭ Minsku buduć pravodzicca da pačatku listapada

U Minsku da pačatku listapada kožnyja vychadnyja buduć prachodzić charčovyja kirmašy, paviedamili ŭ pres-słužbie Minharvykankama.

U niadzielu, 4 vieraśnia, z 10.00 da 17.00 kala Pałaca sportu i Minskaha ladovaha pałaca arhanizavany vyjazny handal sielhaspradukcyjaj i charčovymi tavarami pradpryjemstvami — vytvorcami Minskaj vobłaści i rajona.

Na kirmašach budzie pradstaŭleny raznastajny asartymient miasnoj, małočnaj pradukcyi, kaŭbasnych vyrabaŭ i vedžaniny, płodaaharodninaj kansiervavanaj pradukcyi, pładoŭ, aharodniny, bulby, sažałkavaj i aziorna-račnoj ryby (karp, ščupak, karaś, taŭstałobik, bieły amur), žuraviny, miod i šmat inšaha.

U prahramie mierapryjemstvaŭ žycharoŭ i haściej stalicy čakaje praca letnich kafe z šyrokim asartymientam kulinarnaj i kandytarskaj pradukcyi ŭłasnaj vytvorčaści; šyroki asartymient pradukcyi; muzyčnaja prahrama mastackich kalektyvaŭ stalicy.

Kirmašy buduć pravodzicca štotydniova pa vychadnych dniach:

3, 4, 17, 18, 24, 25 vieraśnia, 1, 2, 8, 9, 15, 16, 22, 23, 29, 30 kastryčnika, 5, 6 listapada z 10.00 da 17.00 hadzin na terytoryi, sumiežnaj z Pałacam sportu (pr. Pieramožcaŭ, 4) i na 160 pastajanna dziejnych placoŭkach va ŭsich administracyjnych rajonach horada z arhanizacyjaj vyjaznoha handlu z aŭtamašyn i łatkoŭ.

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH