Štatnuju kolkaść Śledčaha kamiteta i jaho centralnaha aparatu płanujecca vyznačyć na praciahu miesiaca 2

Dziaržaŭny sakratar Savieta biaśpieki Biełarusi Leanid Malcaŭ prainfarmavaŭ 5 vieraśnia Alaksandra Łukašenku ab rabocie pa stvareńni ŭ krainie Śledčaha kamiteta. Na naradzie 2 žniŭnia pa pytańni ŭdaskanaleńnia sistemy orhanaŭ papiaredniaha rasśledavańnia kiraŭnik dziaržavy daručyŭ, kab takaja struktura pačała rabotu z 1 studzienia 2012 hoda.

Jak paviedamiła pres-słužba prezidenta, «rabota pa stvareńni Śledčaha kamiteta idzie ŭ płanavym paradku». Ciapier raspracavany prajekt adpaviednaha ŭkaza, u jakim vyznačany funkcyi, struktura, status usich supracoŭnikaŭ, paradak finansavańnia novaj struktury i inšyja pytańni.

Na praciahu miesiaca płanujecca vyznačyć štatnuju kolkaść Śledčaha kamiteta i jaho centralnaha aparatu, a praz dva miesiacy budzie raspracavana pałažeńnie ab Śledčym kamitecie. Dakumienty pradstaviać na zaćviardžeńnie prezidentu.

Na dumku Malcava, stvareńnie Śledčaha kamiteta dazvolić uzmacnić abaronu hramadzian u pravavych adnosinach, bo hetaja struktura budzie padparadkoŭvacca naŭprost kiraŭniku dziaržavy, što dazvolić paźbiehnuć viedamasnaha cisku i maksimalna vyklučyć mahčymaść nieabhruntavanaha pryciahnieńnia da adkaznaści.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH