Alaksandr Łukašenka naznačyŭ štomiesiačnyja stypiendyi Prezidenta Respubliki Biełaruś 87 lepšym aśpirantam, jakija vučacca ŭ 46 VNU i navukovych arhanizacyjach respubliki, u pamiery Br775 tys. kožnaja. Adpaviednaje rasparadžeńnie prezident padpisaŭ 15 studzienia.
Jak rastłumačyli BIEŁTA u pres‑słužbie kiraŭnika dziaržavy, usie stypiendyjaty pravodziać daśledavańni ŭ adpaviednaści z pryjarytetnymi napramkami raźvićcia navukova‑techničnaha prahresu, aktyŭna ŭkaraniajuć vyniki svaich navukovych rabot u vytvorčaść, paśpiachova vučacca ŭ aśpirantury, udzielničajuć u navukovych i navukova‑praktyčnych kanfierencyjach i sieminarach, majuć publikacyi ŭ aŭtarytetnych navukovych vydańniach, patenty i akty ŭkaranieńnia vynachodstvaŭ, źjaŭlajucca saaŭtarami manahrafij i navučalna‑mietadyčnych dapamožnikaŭ.
Rasparadžeńnie pryniata ŭ metach dalejšaha pavyšeńnia efiektyŭnaści navukova‑daśledčaj dziejnaści aśpirantaŭ, uzmacnieńnia dziaržaŭnaj padtrymki talenavitych maładych vučonych, padkreślili ŭ pres‑słužbie prezidenta.
