Pra heta paviedamiła ŭpraŭleńnie infarmacyi Nacyjanalnaha banka.
Z hetaj daty pačniecca pierachod na adziny kurs rubla. Čakajecca, što hety praces zojmie dva miesiacy.
U adpaviednaści z pastanovaj praŭleńnia Nacbanka ad 7 vieraśnia № 368 «Ab ździełkach
— prodaž valuty ŭ lik abaviazkovaha prodažu;
— kupla valuty dla apłaty lekaŭ, a taksama dla apłaty za pastaŭlenyja ŭ Biełaruś pryrodny haz i elektryčnuju enierhiju.
Kurs z asnoŭnaj siesii budzie ličyca aficyjnym.
Na dadatkovaj siesii buduć ažyćciaŭlacca ŭsie astatnija apieracyi. Pry hetym
kurs kupli i prodažu na dadatkovaj siesii budzie ŭstanaŭlivacca zychodziačy z popytu i prapanovy.
Technična tarhi ažyćciaŭlajucca tak. Abaviazkovym rekvizitam zajavak subjektaŭ valutnych apieracyj na dadatkovaj handlovaj siesii budzie źjaŭlacca maksimalny kurs kupli zamiežnaj valuty, pa jakim hetyja zajaŭki mohuć być vykanany. Pry hetym klijenty pavinny zabiaśpiečyć najaŭnaść na adpaviednych rachunkach u banku sum u biełaruskich rublach, ekvivalentnych sumie zajaŭki na kuplu valuty pa maksimalnym kursie, ukazanym u zajaŭcy.
Nacbank budzie ažyćciaŭlać kuplu i prodaž zamiežnaj valuty na biržy jak na asnoŭnaj handlovaj siesii, hetak i na dadatkovaj.
Nacbank z 14 vieraśnia admienić ustanoŭlenyja raniej miežavyja značeńni abmiennych kursaŭ, pa jakich mohuć ažyćciaŭlaccakupla-prodaž i kanviersija zamiežnaj valuty na ŭnutranym valutnym rynku.
Pry heta pazabiržavyja ździełki buduć zabaronieny. Prodaž i kupla valuty zmohuć ažyćciaŭlacca tolki praź biržu.
Nacbank abiacaje, što valuta ŭ abmieńnikach źjavicca ŭ nieabmiežavanaj kolkaści ciaham pary dzion paśla 14 vieraśnia. Jon rekamiendavaŭ bankam raźličyć tak, kab valuty chapiła ź lichvoj.
Jaki kurs ustanovicca, pakul niajasna. Ahienctva «Interfaks» siońnia cytavała menedžaraŭ bujnych dziaržaŭnych pradpryjemstvaŭ. Jany «čakajuć ukazańniaŭ profilnych viedamstvaŭ ab kursie» i «pakul ukazańniaŭ nie atrymlivali». Jak čakajecca, urad abaviaža bujnych eksparcioraŭ pradavać na pieršych dadsiesijach bujnyja sumy valuty, kab zabiaśpiečyć stabilnuju prapanovu.
Namieśnik staršyni praŭleńnia Nacyjanalnaha banka Taras Nadolny zajaviŭ u piatnicu, što ličyć isnujučy aficyjny abmienny kurs rubla (kala 5200 za dalar) «ekanamična apraŭdanym». Jon upeŭnivaje, što paśla karotkaha pieryjadu śpiekulatyŭnaha popytu rynkavy kurs vierniecca da hetaha ŭzroŭniu. Zrešty, takija zajavy ad aficyjnych asob kraina čuje ad krasavika, i na realny kurs jany nijak nie paŭpłyvali. Pieramiena ŭ tendencyjach moža zdarycca tolki tady, kali Nacbank pačnie valutnyja interviencyi. Peŭnyja zapasy valuty jon sapraŭdy nabraŭ, dziakujučy kredytam JeŭrAzES i Azierbajdžana. Ale pry kursie 5000 ich chopić na 2–3 miesiacy. Miž tym pryvatyzacyja — inšaja patencyjnaja krynica dachodaŭ — buksuje.
Ctaršynia Biełaruskaha
