Alaksandr Łukašenka 12 vieraśnia padpisaŭ ukaz №409 «Ab stvareńni Śledčaha kamiteta Respubliki Biełaruś», paviedamlajepres-słužba prezidenta.
U adpaviednaści z dakumientam dla stvareńnia Śledčaha kamiteta budzie vydzieleny śledčy aparat ź sistemy orhanaŭ prakuratury, padraździaleńnie papiaredniaha rasśledavańnia ź sistemy orhanaŭ unutranych spraŭ i sistemy orhanaŭ finansavych rasśledavańniaŭ Kamiteta dziaržaŭnaha kantrolu.
Vyznačany status Śledčaha kamiteta jak «dziaržaŭnaha pravaachoŭnaha orhana i orhana papiaredniaha śledstva, padparadkavanaha prezidentu Biełarusi, jaki ažyćciaŭlaje ŭ adpaviednaści z zakanadaŭčymi aktami paŭnamoctvy ŭ śfiery dasudovaj kryminalnaj vytvorčaści».
Akramia taho, paviedamlaje
«Ukazam taksama zamacavany asnoŭnyja zadačy novaha viedamstva, u tym liku ŭsiebakovaje, poŭnaje, abjektyŭnaje i apieratyŭnaje rasśledavańnie złačynstvaŭ, abarona pravoŭ i zakonnych intaresaŭ hramadzian, vykanańnie zakonnaści pry praviercy, razhladzie zajaŭ i paviedamleńniaŭ ab złačynstvach, raspačynańni kryminalnych spraŭ, vytvorčaści papiaredniaha śledstva», — havorycca ŭ paviedamleńni
Staršynia Śledčaha kamiteta, jaho namieśniki i načalniki ŭpraŭleńniaŭ pa abłaściach i Minsku buduć pryznačacca na pasady prezidentam.
Ukaz nabyvaje moc 1 studzienia 2012 hoda.
Nahadajem, rašeńnie stvaryć novuju strukturu Łukašenka pryniaŭ pa vynikach narady z pradstaŭnikami siłavoha błoka 2 žniŭnia. Vystupajučy na naradzie, kiraŭnik dziaržavy vykazaŭ niezadavolenaść jakaściu pracy sistemy orhanaŭ papiaredniaha rasśledavańnia. «Praktyka pakazvaje, što amal dźvie treci apraŭdalnych pryhavoraŭ vyniesieny sudami z pryčyny nienaležnaha vykanańnia supracoŭnikami orhanaŭ papiaredniaha rasśledavańnia svaich słužbovych abaviazkaŭ», — zajaviŭ Łukašenka. Pavodle jaho słoŭ, jość niamała faktaŭ, kali asoby, vinavatyja va ŭčynieńni złačynstva, paźbiahajuć kryminalnaj adkaznaści i sychodziać ad pakryćcia naniesienaha dziaržavie šmatmiljardnaha ŭronu.
Razam z tym, pavodle słoŭ Łukašenki, pamyłki, što dapuskajucca apieratyŭnymi supracoŭnikami, «a časam i pramyja falsifikacyi», nie zaŭsiody vyjaŭlajucca padčas papiaredniaha rasśledavańnia. Jość fakty, kali rašeńnie ab pradjaŭleńni hramadzianam abvinavačańnia prymajucca śledčymi pry jaŭna niedastatkovym abjomie dokazaŭ.
Niezaležnyja analityki, kamientujučy namier stvaryć Śledčy kamitet, schilalisia da vysnovy, što va ŭmovach aŭtarytarnaha režymu i pravavoha nihilizmu samich uład novy orhan nie pavysić jakaść śledstva. Tak, były padpałkoŭnik KDB Valeryj Kostka ŭ intervju
U svaju čarhu ŭ intervju Deutsche Welle były śledčy prakuratury, kiraŭnik hramadskaha abjadnańnia «Pravavaja dapamoha nasielnictvu» Aleh Vołčak źviazaŭ stvareńnie novaha viedamstva z žadańniem kiraŭnika dziaržavy zasiarodzić upłyŭ na ŭsie siłavyja struktury.
Pavodle słoŭ Vołčaka, raniej Łukašenka pavinien byŭ mieć u padparadkavańni čatyroch pravieranych ludziej: staršyniu KDB, hienprakurora, ministra ŭnutranych spraŭ i staršyniu Kamiteta dziaržkantrolu. «Zaraz ža źjavicca adzin adkazny čałaviek, jaki budzie kantralavać usie śpiecsłužby, i da jakoha budzie ściakacca ŭsia infarmacyja», — prahnazuje ekśpiert.
Śledčy kamitet budzie efiektyŭnym tolki ŭ tym vypadku, kali ŭsie astatnija siłavyja struktury buduć pazbaŭleny śledčych funkcyj, ličyć były śpikier Viarchoŭnaha Savieta,
Staršynia praŭleńnia aśvietnaj ustanovy «Centr pravavoj infarmacyi» Alena Tankačova nie bačyć nieabchodnaści ŭ stvareńni Śledčaha kamiteta «z punktu hledžańnia racyjanalnaści i razumnaha sensu».
«Zrazumieła, dla čaho heta robicca z punktu hledžańnia kiraŭnika dziaržavy i jaho akružeńnia: vyšejšyja ešałony ŭłady ŭvieś čas adčuvajuć niedavier, u tym liku da dziejnych pravaachoŭnych orhanaŭ», — skazała Tankačova ŭ intervju BiełaPAN.
«Stvareńnie śledčaha orhana pry prezidencie — heta sproba centralizavać vakoł jaho novuju strukturu dla zapałochvańnia», — reziumavała jana.
