U Biełarusi startavała čarhovaja kampanija pa pryzyvie hramadzian na terminovuju vajennuju słužbu i słužbu ŭ reziervie.Ukaz № 419 «Ab zvalnieńni ŭ zapas vajennasłužačych terminovaj vajennaj słužby i reziervistaŭ, jakija vysłužyli ŭstanoŭlenyja terminy vajennaj słužby pa pryzyvie, słužby ŭ reziervie, i pryzyvie hramadzian na terminovuju vajennuju słužbu, słužbu ŭ reziervie ŭ
U adpaviednaści z ukazam na terminovuju słužbu, słužbu ŭ reziervie buduć pryzvanyja hramadzianie mužčynskaha połu, jakim da dnia pryzyvu spoŭniłasia 18 hadoŭ i jakija nie majuć prava na adterminoŭku ad pryzyvu, a taksama hramadzianie pryzyŭnoha ŭzrostu, jakija stracili prava na adterminoŭku.
Maładoje papaŭnieńnie pavinna być nakiravanaje na ŭkamplektavańnie złučeńniaŭ i čaściej Uzbrojenych sił, inšych vojskaŭ i voinskich farmiravańniaŭ da 30 listapada.
Ustanoŭlena, što paciarpiełyja ad nastupstvaŭ katastrofy na Čarnobylskaj AES hramadzianie, pryzvanyja na terminovuju vajennuju słužbu, nakiroŭvajucca ŭ vajskovyja čaści i farmiravańni, jakija nie znachodziacca na radyjeaktyŭna zabrudžanych terytoryjach, i pryznačajucca na voinskija pasady, nie źviazanyja z pracaj pa ekspłuatacyi krynic ianizujučaha vypramieńvańnia, zvyšvysokich častot i pracami z kampanientami rakietnaha paliva.
Łukašenka zahadaŭ Biełaruskaj čyhuncy zabiaśpiečyć pa zajaŭkach Minabarony, inšych dziaržorhanaŭ, u jakich praduhledžana vajennaja słužba, pieravozku vajennasłužačych terminovaj słužby i reziervistaŭ, jakija vysłužyli ŭstanoŭlenyja terminy, i hramadzian, pryzvanych na terminovuju vajennuju słužbu, słužbu ŭ reziervie.
Vajennym kamisaram na padstavie adpaviednych rašeńniaŭ rajonnych (haradskich) pryzyŭnych kamisij daručana nakiroŭvać u orhany prakuratury materyjały na hramadzian, jakija ŭchililisia ad pryzyvu na terminovuju vajennuju słužbu, słužbu ŭ reziervie, dla pryciahnieńnia ich da adkaznaści ŭ adpaviednaści ź dziejnym zakanadaŭstvam.
Infarmacyja ab vynikach pryzyŭnoj kampanii pavinna być pradstaŭlena ŭradam prezidentu da 20 studzienia 2012 hoda.
Zahad ministra abarony ab vykanańni ŭkazu prezidenta № 419 padpisany 16 vieraśnia.
Nahadajem, u 2011 hodzie ŭ Biełarusi źmienieny časovyja paramietry navučalnaha hoda va Uzbrojenych siłach i pryzyvu hramadzian na terminovuju vajennuju słužbu i słužbu ŭ reziervie.
Raniej navučalny hod va Uzbrojenych siłach pačynaŭsia 1 lutaha i zaviaršaŭsia 30 listapada.
Z hetaha hoda jon budzie pačynacca 1 śniežnia i zaviaršacca 31 kastryčnika nastupnaha hoda.Adpaviedna źmianilisia i terminy praviadzieńnia pryzyŭnoj kampanii. Kali raniej mierapryjemstvy pryzyvu ažyćciaŭlalisia dva razy na hod, u
Dla płanamiernaha pierachodu na novyja terminy pryzyvu ŭ adpaviednaści z ukazam prezidenta № 200 ad 18 maja 2011 hady hetym letam pryzyŭ byŭ ažyćcioŭleny dla kamplektavańnia ŭnutranych vojskaŭ MUS, orhanaŭ pahransłužby, dziaržbiaśpieki i asobnych padraździaleńniaŭ US. Usiaho na słužbu pryzvana prykładna 3 tysiač čałaviek. Čarhovy pryzyŭ hramadzian dla prachodžańnia słužby va US i ŭ reziervie projdzie ŭ listapadzie 2011 hoda. U hety pieryjad u złučeńni i čaści biełaruskaj armii płanujecca nakiravać kala 10 tysiač čałaviek.
