— Zaŭvažyŭ na Leninskim aŭtamabil z dypłamatyčnymi numarami i ściaham na kryle 150CD277, jon pieryjadyčna vyłaziŭ na sustrečnuju, u vyniku, na Vialikaj Jakimancy jon prosta raźviarnuŭsia praź dźvie sucelnyja, — piša na staroncy Žyvoha Časopisa «tavarystva sinich viadziercaŭ» błohier sukadodgers, jaki zrabiŭ videazapis.
Parušeńnie adbyłosia 16 vieraśnia, ale astatnija błohiery, jakija kamientavali videa, adznačyli, što bačyli aŭtamabil ambasadara, jaki razvaročvajecca na hetym miescy ŭžo nie raz.
Nahadajem, pasadu nadzvyčajnaha i paŭnamocnaha pasła Respubliki Biełaruś u Rasijskaj Fiederacyi zajmaje Vasil Dałhaloŭ.
«Tavarystva sinich viadziercaŭ» — rasijski hramadski ruch, členy jakoha vystupajuć za toje, kab «mihałki» vykarystoŭvalisia tolki na aŭtatransparcie ekstranych słužbaŭ i pratestujuć suprać ich vykarystańnia vysokapastaŭlenymi čynoŭnikami. Udzielniki supołki taksama fiksujuć i publikujuć fakty parušeńnia praviłaŭ darožnaha ruchu vysokapastaŭlenymi čynoŭnikami i aŭtamabilami z «mihałkami».
