Pošuk ulubionaj radyjostancyi, paleńnie cyharetaŭ i telefanavańnie šefu – heta drobiazi. Padčas ankietavańnia, što ładziłasia ŭ maštabach usioj krainy, vyśvietliłasia, što amerykanskija kiroŭcy za rulom holacca, praviarajuć elektronnuju poštu i apranajuć kantaktnyja linzy.
Pavodle vynikaŭ daśledavańniaŭ, praviedzienych strachavoj kampanijaj «Nationwide Mutual Insurance», vosiem ź dziesiaci amerykanskich kiroŭcaŭ padčas jazdy pieraklučajuć radyjostancyi i źmianiajuć dyski CD. 73 adsotkaŭ ankietavanych razmaŭlajuć pa telefonie, 68 adsotkaŭ rehularna spažyvajuć za rulom ježu, 19 adsotkaŭ vysyłajuć sms, a 5 adsotkaŭ čytajuć mejły. Kiroŭcy nie zabyvajucca taksama i na asabistuju hihijenu: pryčosku papraŭlajuć kala 19 adsotkaŭ, jašče 12 adsotkaŭ robiać makijaž, a 2 adsotki holacca. Sioj‑toj z kiroŭcaŭ pryznaŭsia, što padčas jazdy mianiajejacca miescami z pasažyrami, hladzić filmy, niańčyć dziaciej i navat maluje paznohci. ‑ Padajecca, što ŭ amerykancaŭ zamała času. Tamu jany vymušanyja rabić kolki rečaŭ adnačasova – prakamentavaŭ vyniki daśledvańniaŭ Bił Ŭindzar z «Nationwide Mutual Insurance». ‑ Raśsiejvańnie ŭvahi – vielmi ryzykoŭnaja reč. Kali niešta možna zrabić u kuchni, vannym pakoi ci ofisie, dyk nia treba rabić heta ŭ mašynie – padsumavaŭ Ŭindzar.
Fota z sajtu borzoi.nigilist.ru
