Škada Rasii 54

Alfa-samiec kančaje śpiektakl. Pucin viartajecca. Narešcie, praz čatyry hady, my pierakanalisia, što Miadźviedzieŭ sapraŭdy byŭ niedaprezidentam.

Iluzijaj byli spadziavańni, što addaleńnie Miadźviedzieva ad Pucina, miadźviedzieŭcaŭ ad pucincaŭ urešcie zdolnaje naradzić u Rasii ahulnapryniaty palityčny pluralizm i duch kankurencyi.

Paśla «rašeńnia» Miadźviedzieva vyłučyć Pucina na treci termin — h.zn. značyć, da 2024 hoda u Rasii hrymić chor padpiavałaŭ.

«Eto nastojaŝij primier dobroty i nravstviennosti v politikie,

primier, kotoromu, po-mojemu, mohut pozavidovať nie tolko naši priedšiestvieńniki i ludi, živšije v sovietskoje vriemia, no i hraždanie bolšinstva stran mira, vklučaja tie, kotoryje pytajutsia nas učiť», — skazaŭ siońnia kiraŭnik sinadalnaha adździeła pa ŭzajemaadnosinach Carkvy i hramadstva Rasiejskaj pravasłaŭnaj carkvy pratajarej Usievaład Čaplin.

Navat u tatalitarnym Kitai praz kožnyja 10 hadoŭ pakaleńni ŭ kiraŭnictvie mianiajucca.

Rasija vybrała šlach inšych aŭtarytarnych krain byłoha SSSR: pažyćciovaja dyktatura adnoj asoby. «Paśla Nas choć patop», — tak pra heta kazaŭ Ludovik XV.

Zastajecca paškadavać Rasiju. Niaźmiennaść kiraŭnika aznačaje raniej ci paźniej narastańnie supiarečnaści miž niaźmiennaściu ŭłady i źmienami ŭ hramadstvie.

Značyć, Rasiju, jakaja ŭ XX stahodździa najbolš naciarpiełasia ad revalucyj i pieravarotaŭ, čakaje jašče adna revalucyja ci pieravarot.

Rasija marnuje ŭnikalna spryjalnuju dla siabie kańjunkturu suśvietnaha handlu. Uzrastaje imaviernaść novaha paŭraspadu hetaha kałosa.

Taki scenar nie viastuje ničoha dobraha i dla Biełarusi, kali taja zastaniecca pryviazanuju da byłoj mietrapolii ekanamična i vajskova.