25 vieraśnia viadomy na ŭvieś śviet pravaabaronca Aleś Bialacki adznačaje dzień narodzinaŭ.
12 žniŭnia Bialackamu pradjavili abvinavačańnie pavodle č. 2 art. 243 Kryminalnaha kodeksa (utojvańnie dachodaŭ u asabliva bujnym pamiery). Padstavaj dla raspačynańnia kryminalnaj spravy stała infarmacyja ab rachunkach Bialackaha ŭ litoŭskim i polskim bankach, pieradadzienaja biełaruskim uładam Miniustam Litvy i Hienprakuraturaj Polščy ŭ miežach damovy ab pravavoj dapamozie ź Biełaruśsiu.
Nasamreč Aleś Bialacki akumulavaŭ hrošy na dapamohu represavanym, źnikłym i ich siemjam. Lehalna zajmacca takoj dziejnaściu ŭ Biełarusi było niemahčyma.Zamiežnyja hrošy išli na akazańnie dapamohi represavanym hramadzianam Biełarusi i ich siemjam.
Aleś Bialacki utrymoŭvajecca ŭ śledčym izalatary № 1 MUS Biełarusi pa vulicy Vaładarskaha ŭ Minsku.
Pavinšavać Alesia Bialackaha nikoli nie pozna, lepš paźniej, čym raniej. Zrabić možna paštoŭkaj abo listom, napisaŭšy na nastupny adras:
220030, h. Minsk, vuł. Vaładarskaha, 2
Ukazańnie poŭnaha imia i imia pa baćku nieabchodna, kab list ci vinšavańnie dajšli da adrasatu.
Možna taksama siońnia pavinšavać telehramaj pa telefonie 166.
Nabirajem z haradskoha telefona numar 166. Dyktujem tekst vinšavańnia, i adras Minsk, 220030, Vaładarskaha, 2,
Treba paviedamić svajo imia i proźvišča, inakš mohuć nie pieradać. Nasamreč ničoha składanaha. Pravierana na Pačobucie:)
Taksama siońnia paplečniki i siabry Bialackaha supolna dašluć vinšavalnyja paštoŭki pravaabaroncu.
U 12 hadzin dnia jany źbiarucca kala Hałoŭpaštamta, kab razam ukinuć vinšavańni ŭ paštovyja skryni. Paštoŭki mohuć padpisać taksama i inšyja achvotnyja. Dziela hetaha padrychtavanyja admysłovyja vinšavalnyja teksty, dadaje pravaabarončy centr «Viasna».
