Bolš za 20 tysiač hledačoŭ sabralisia ŭ niadzielu na arenie Monumental ŭ Barsiełonie, kab pahladzieć za apošnim bojem bykoŭ u historyi Katałonii.
Kvitki na šou z udziełam najlepšych katałonskich matadoraŭ, u tym liku lehiendarnaha Chase Tomasa, byli raskuplenyja ŭ ličanyja chviliny, a paśla hetaha źjavilisia na «čornym rynku» pa zavobłačnych cenach, jakija dasiahali € 1500.
U lipieni minułaha hoda parłamient Katałonii pryniaŭ rašeńnie zabaranić karydu na ŭsioj terytoryi rehijona z 1 studzienia 2012 hoda. Zakon byŭ pryniaty paśla taho, jak abaroncy žyvioł sabrali 180 tysiač podpisaŭ suprać karydy.
Abaroncy žyvioły nazyvajuć karydu žorstkim śpiektaklem, jaki vystaŭlaje krainu «ŭ dzikunskim vobrazie pierad usim śvietam». Katałonija stała pieršym ispanskim rehijonam, dzie zabaranili karydu.
