Pavodle źviestak Biełstata, u studzieni-žniŭni 2011 hoda realizacyja harełki pavialičyłasia na 14,8% u paraŭnańni z takim ža letašnim pieryjadam. Pradadziena 7 młn. 805,5 tys. dał harełki, jaje dola ŭ ahulnym abjomie spažyvańnia ałkaholu skłała 44,3% (u studzieni-žniŭni 2010 hoda — 43,2%).
Dola realizacyi ałkaholnaj pradukcyi ŭ ahulnym abjomie roźničnaha tavaarabarotu ŭ studzieni-žniŭni 2011 hoda skłała 10,4%. Na spažyvieckim rynku realizavana ałkaholnych napojaŭ i piva na 4 trłn. 775,6 młrd. rubloŭ.
Piva za vosiem miesiacaŭ pradadziena 23 młn. 726,9 tys. dał, što na 13,2% bolš za anałahičny letašni pakazčyk.
Dola hetaha napoju ŭ ahulnym abjomie spažyvańnia ałkaholu skłała 13,4% (za
studzień-žnivień 2010 hoda — 13,3%).
Likiora-harełačnych vyrabaŭ realizavana 1 młn. 390,8 tys. dał (+36,7%), vinahradnych vin — 2 młn. 107,4 tys. dał (+17,7%), pładovych vin — 11 młn. 384,6 tys. dał (+2,9%). Pładovyja viny zaniali 29,1% u abjomie prodažu ałkaholnaj pradukcyi (u studzieni-žniŭni 2010 hoda — 31,6%).
Kańjaku i brendzi pradadziena 225,4 tys. dał (+42,1%), pienistych vin i šampanskaha — 836,4 tys. dał (+23,5%), słabaałkaholnych napojaŭ — 593,5 tys. dał (-30,8%).
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
