Matč z «Barsiełonaj» budzie ŭrokam, jaki pojdzie na karyść i dapamoža ŭ dalejšym raźvićci,
zajaviŭ hałoŭny trenier barysaŭskaha BATE Viktar Hančarenka 27 vieraśnia na
«My ŭžo 10 dzion pracujem nad tym, jak abaraniacca i atakavać. Heta zdorava adciahvaje ad čempijanatu, ale ŭzrovień sapiernika sam pa sabie padšturchoŭvaje da taho, kab bolš rychtavacca. Pravodzim i tearetyčnyja, i praktyčnyja zaniatki, indyvidualnyja hutarki», — zaznačyŭ Hančarenka.
Pavodle jaho słoŭ, treba mieć płan, A i płan B. «Kali zdarycca tak, što prapuścim, treba mianiać taktyku, choć z „Barsiełonaj“ heta vielmi ciažka. Ale kali dumać pra ciažkaści, nie budzie mahčymaściaŭ», — padkreśliŭ trenier BATE.
Adkazvajučy na pytańnie, ci źviedała źmieny zadača pieramahać u kožnym matčy, Hančarenka zajaviŭ:
«Uzrovień sapiernika my trymajem u hałavie, ale nie budzie raźvićcia, kali stavić zadaču zhulać uničyju abo prajhrać ź minimalnym likam».
Trenier zaznačyŭ, što «Barsiełona» «horš trochi hulaje na vyjeździe, a na „Kamp Nou“ adčuvaje siabie, jak ryba ŭ vadzie». Hančarenka, pavodle jaho słoŭ, hladzieŭ usie apošnija matčy katałoncaŭ, a na ich hulniu z «Valensijaj» (21 vieraśnia, 2:2) vyjazdžaŭ pamočnik Alaksiej Baha. Pavodle słoŭ Hančarenki, varjiravańnie «Barsiełonaj» taktyki abciažarvaje žyćcio, ale BATE budzie šukać šanc u kontratakach, jak heta ŭdałosia ŭ «Valensii».
«Prysutničaje bolš cikavaści, čym chvalavańnia, uličvajučy ažyjataž i ŭzrovień sapiernika, ale i chvalavańnie taksama jość.Heta narmalnaja situacyja», — skazaŭ Hančarenka.
Kažučy ab traŭmavanych, jon paviedamiŭ, što «kalena Matei Kiežmana ŭčora ŭnušała aptymizm» i jon, mahčyma, vyjdzie na pole.
Trenier BATE zaznačyŭ, što ŭ suviazi ź pierachodami i traŭmami hulcoŭ jaho kamanda, «moža, mienš zhulanaja», ale zapasu tryvałaści dastatkova dla vyrašeńnia zadač.
Padčas padrychtoŭki da matču z «Barsiełonaj» Hančarenka «niekalki razoŭ» hutaryŭ z hałoŭnym trenieram kazanskaha «Rubina» Kurbanam Bierdyjevym, jaki paśpiachova sapierničaŭ z katałoncami (u pryvatnaści, pieramoha 2:1 u Ispanii ŭ 2009 hodzie). «Vielmi spadabaŭsia analiz hulni. Jak zaŭtra budzie, adnamu Bohu viadoma, ale, kali hutaryš z kimści, adnaŭlajucca prahały», — zaznačyŭ Hančarenka.
Abaronca Jahor Filipienka, jaki braŭ udzieł u
Da apošniaha spadziavalisia, što Miesi nie pryjedzie.Śpiecyjalna suprać jaho hulać nie budziem — u cełym kamandnyja dziejańni».
«Emacyjanalny fon vielmi dobry: moža, adzin raz u žyćci suprać „Barsiełony“ hulajem. Užo raźmierkavali, z kim majkami mianiacca budziem», — znoŭ pažartavaŭ Filipienka.
Matč druhoha tura hrupavoha etapu ŁČ BATE — «Barsiełona» projdzie 28 vieraśnia na minskim stadyjonie «Dynama». Pačatak u 21.45.
