U Biełarusi rychtujecca narmatyŭny akt pa ŭviadzieńni ŭ handli sistemy tax-free, paviedamiŭ žurnalistam 4 kastryčnika ministr handlu Valancin Čakanaŭ.
«U nas jość takaja nieabchodnaść, kab zamiežnyja turysty pakidali bolš hrošaj u Biełarusi», — skazaŭ ministr, dadaŭšy, što adpaviednaja prapanova ŭniesiena va ŭrad i «zaraz vyvučajecca». «Pakul skazać pra terminy ŭviadzieńnia sistemy ja nie mahu», — zaznačyŭ Čakanaŭ.
Sistema tax-free — heta mižnarodnaja prahrama kampanii Global Refund, jakaja dazvalaje atrymlivać hrašovuju kampiensacyju PDK, što ŭvachodzić u košt kuplenaha za miažoj tavaru. Pasłuhami kampanii štodzionna karystajucca zvyš 22 tysiač čałaviek va ŭsim śviecie. Kožny, chto viartajecca z-za miažy z pakupkami, zroblenymi ŭ mahazinach tax-free, maje prava na hrašovuju kampiensacyju sumy padatkaŭ, vypłačanaj za nabytyja tavary. U siarednim, u zaležnaści ad padatkovaha zakanadaŭstva krainy znachodžańnia, suma, jakaja viartajecca, składaje ad 10 da 20% ad koštu tavaru. Hetyja hrošy možna atrymać pry prachodžańni mytnaha kantrolu, pakidajučy krainu znachodžańnia.
Maryna Nosava, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
