Najbujniejšy dziaržzabudoŭščyk trapiŭ u śfieru ŭvahi pravaachoŭnikaŭ

Staličnaj milicyjaj raspačataja kryminalnaja sprava ŭ dačynieńni da słužbovaj asoby DVA «Minskbud». Budaŭničy čynoŭnik padazrajecca ŭ vymahalnictvie i atrymańni bujnoha chabaru.

Varta adznačyć, što Dziaržaŭnaje vytvorčaje abjadnańnie «Minskbud» źjaŭlajecca na siońnia najbujniejšym abjadnańniem zabudoŭščykaŭ nie tolki ŭ Minsku, ale i ŭ Biełarusi. Adnak apošnim časam da pradpryjemstva, jakoje pa svajoj sutnaści źjaŭlajecca chołdynham, stała ŭźnikać vielmi šmat pretenzij nie tolki z boku dolščykaŭ, jakija svaimi hrašyma ŭdzielničajuć u budaŭnictvie žylla, ale i z boku nahladnych orhanaŭ.

Havorka idzie jak pra zaciahvańnie terminaŭ zdačy ŭ ekspłuatacyju budaŭničych abjektaŭ, tak i pra parušeńni padčas farmavańnia koštu abjektaŭ dolevaha budaŭnictva. Ale ŭsio ž bolš za ŭsio pretenzij da abjadnańnia mienavita z boku dolščykaŭ, a nie dziaržorhanaŭ, i datyčać hetyja pretenzii mienavita terminaŭ budaŭnictva, asabliva pa apošnich damach.

Vypadkova ci nie, ale pačataja kryminalnaja raspracoŭka słužbovych asob DVA «Minskbud» jakraz i moža pralić śviatło na pytańnie, čamu zaciahvajucca terminy taho ci inšaha budaŭnictva. Jak vyśvietliłasia ŭ vyniku praviadzieńnia apieratyŭna-vyšukovych mierapryjemstvaŭ, słužbovyja asoby abjadnańnia prosta patrabujuć z padradčykaŭ adkaty za padpisańnie aktaŭ vykananych rabot, a kali chabar nie płacicca, to akty mohuć nie padpisvacca dosyć doŭhi čas, što zaciahvaje terminy budaŭnictva. U pravaachoŭnych orhanaŭ Minska jość i fakty, jakija paćviardžajuć isnavańnie hetaj karupcyjnaj schiemy.

Jak paviedamili «Štodziońniku» u HUKVD Minharvykankama, u vyniku praviadzieńnia apieratyŭna-vyšukovych mierapryjemstvaŭ u momant ździajśnieńnia złačynstva byŭ zatrymany načalnik adździeła techničnaha nahladu nad budaŭnictvam DVA «Minskbud». Pavodle dadzienych apieratyŭnikaŭ, jon vymahaŭ i atrymaŭ ad dyrektara padradnaj arhanizacyi chabar u pamiery 90 miljonaŭ rubloŭ za spryjalnaje vyrašeńnie pytańniaŭ ab padpisańni aktaŭ vykananych rabot pa abjekcie «Žyłaja zabudova ŭ miežach vuł. Matusieviča — vuł. P.Hlebki — pr-d Masiukoŭščyna — vuł. Masiukoŭščyna — vuł. Kaleśnikava — mikrarajon «Masiukoŭščyna-3».

Pa dadzienym fakcie śledčym upraŭleńniem papiaredniaha rasśledavańnia HUUS Minharvykankama raspačataja kryminalnaja sprava pa č. 3 art. 430 (atrymańnie chabaru ŭ asabliva bujnym pamiery, albo arhanizavanaj hrupaj, albo asobaj, jakaja zajmaje adkaznaje stanovišča) Kryminalnaha kodeksa Biełarusi.

Viadziecca rasśledavańnie, padčas jakoha, mahčyma, budzie dadzieny adkaz na pytańnie, takaja situacyja ŭ DVA «Minskbud» typovaja ci heta adzinkavy vypadak.

0

0

0

0

0

0

realty.ej.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH