Rasijskaja kampanija «Urałkalij» usio jašče zacikaŭlena ŭ nabyćci kantrolnaha pakieta akcyj AAT «Biełaruśkalij», ale nie bačyć žadańnia biełaruskich uładaŭ realizavać aktyŭ, a taksama nie ličyć situacyju na fondavych rynkach spryjalnaj dla ździełki. Pra heta zajaviŭ hienieralny dyrektar «Urałkalija» Uładzisłaŭ Baŭmhiertnier rasijskamu ahienctvu Prajm.
Nas sapraŭdy cikavić mienavita kantrolny pakiet», — padkreśliŭ hiendyrektar.«Na siońnia prosta niama padstaŭ mierkavać, što biełaruski ŭrad razhladaje mahčymaść prodažu kantrolnaha pakieta.
Jon taksama adznačyŭ, što biahučaja situacyja na fondavych rynkach nie spryjaje abmierkavańniu jak hetaj, tak i inšych ździełak pa źlićci i pahłynańni. U takoj situacyi, ličyć Baŭmhiertnier, «pravieści adekvatnuju acenku „Biełaruśkalija“ nie ŭjaŭlajecca mahčymym».
Nahadajem, Alaksandr Łukašenka zajaŭlaŭ pra hatoŭnaść pryvatyzavać «Biełaruśkalij» zychodziačy z acenki ŭ 30 młrd. dołaraŭ.
Baŭmhiertnier taksama paviedamiŭ, što «Urałkalij» niekalki miesiacaŭ tamu spyniŭ abmierkavańnie pytańnia ab vydzialeńni «Biełaruśkaliju» kredytu ŭ pamiery 1 młrd. dołaraŭ. «Paśla hetaha jany pačali kantaktavać z „Aščadnym bankam“ pa atrymańni kredytu, i my ŭžo nie majem da hetaha nijakaha dačynieńnia», — skazaŭ hiendyrektar.
Raniej Biełaruś admoviłasia ad kredytu «Aščadnaha banka RF» i Deutsche Bank u 2 młrd. dołaraŭ pad załoh 35% akcyj «Biełaruśkalija». Krychu paźniej biełaruski bok paviedamiŭ pra dasiahnieńnie damoŭlenaści z «Aščadnym bankam» ab vydzialeńni kredytu «Biełaruśkaliju» na 1 młrd. dołaraŭ pad załoh 50% inšaha pradpryjemstva — naftapierapracoŭčaha zavoda «Naftan».
Treba adznačyć, što mahčymaściu kupli akcyj «Biełaruśkalija» cikavicca taksama Indyja.
Jak paviedamiŭ 10 žniŭnia nadzvyčajny i paŭnamocny pasoł Indyi Manodž Bcharci na
Paźniej indyjskaja hazieta Mint ca spasyłkaj na vysokapastaŭlenych indyjskich čynoŭnikaŭ paviedamiła: Indyja choča kupić 20–25% akcyj AAT «Biełaruśkalij» i hatova zapłacić za ich 6–7 młrd. dołaraŭ.