Rasiejcy chočuć adkryć «Makdonalds» u Babrujskaj krepaści 9

U haziecie «Viačerni Babrujsk» apublikavana intervju z hałoŭnym architektaram Babrujska Siarhiejem Lavonavym. U im čynoŭnik raskazaŭ pra płany rekanstrukcyi haradskoj krepaści.

«Babrujskaja krepaść uvajšła ŭ śpis abjektaŭ restaŭracyi, jakija źjaŭlajucca historyka-kulturnymi kaštoŭnaściami Biełarusi z arhanizacyjaj na ich bazie turystyčnaj infrastruktury. U Mahiloŭščynie ŭ jaho ŭvajšli tolki try abjekty: kompleks byłoj siadziby ŭ vioscy Hrudzinaŭka Bychaŭskaha rajona, pałacava-parkavy ansambl u vioscy Žyličy Kiraŭskaha rajona i naša krepaść», — raskazaŭ Siarhiej Lavonaŭ.

Pa jaho słovach, na siońnia

na terytoryi krepaści viadzie restaŭracyjnyja pracy tolki Biełaruskaja pravasłaŭnaja carkva.

Tam užo całkam adrestaŭravany try budynki. U pierśpiektyvie šyrokija płany — chram, chryścilnia, zvanica, dziciačaja hulniavaja placoŭka i nievialiki park.

«I jašče adnym abjektam na terytoryi krepaści zacikavilisia inviestary z Rasii. Jany chacieli b zrabić tam abjekt typu «Makdonalds». Pa sutnaści, heta praduhledžana prajektam detalovaj płanoŭki, a

dzinaje patrabavańnie — zachavańnie histaryčnaha abličča zvonku, a ŭ siaredzinie moža być i sučasnaja načynka», —

pierakanany hałoŭny architektar Babrujska.

pavodle «Viačerniaha Babrujska»

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH