Časopis «PrajdziCviet» i Inicyjatyŭnaja hrupa «Kate&Osia» abviaščajuć Konkurs pierakładu sa słavianskich movaŭ (bałharskaja, češskaja, charvackaja, sierbskaja, ukrainskaja, słavackaja, polskaja, ruskaja) na biełaruskuju.
Dla pierakładu prapanoŭvajucca apaviadańni nastupnych aŭtaraŭ:
• Jelena Aleksijeva, Alek Popov (Bałharyja);
• Jan Balaban, Hana Pachtova (Čechija);
• Olja Savicevic Ivancevic (Charvatyja), David Albahari (Sierbija);
• Tania Malarčuk, Oleh Šinkarienko (Ukraina);
• Jana Benova, Vaclav Pankovcin (Słavakija);
• Natasza Goerke, Wojciech Kuczok (Polšča);
• Taťjana Zamirovskaja, Kiriłł Dubovskij (Biełaruś, ruskaja mova).
Umovy konkursu:
Udzielničać mohuć usie achvotnyja.
Usie teksty, prapanavanyja dla pierakładu, možna spampavać na staroncy časopisa «PrajdziŚviet»
Kožny ŭdzielnik moža vybirać, ź jakoj movy, jakoha aŭtara i jakija apaviadańni jon budzie pierakładać (movaŭ, aŭtaraŭ i apaviadańniaŭ moža być niekalki).
Apošni termin dla adpraŭki pierakładaŭ — 4 śniežnia 2011 h. u 23 hadziny 45 chvilin. Pierakłady dasyłajcie na [email protected], paznačyŭšy ŭ temie «Pieratvor». U je-mejle paznačcie, kali łaska, svajo imia i proźvišča, horad/viosku, prafiesiju/navučalnuju ŭstanovu.
Pavažanaje i kampietentnaje žury nie budzie da abviaščeńnia vynikaŭ viedać udzielnikaŭ konkursu, bo kožny z udzielnikaŭ atrymaje šyfr.
Pieramožcaŭ čakaje słava! A taksama publikacyi, pryzy i pavaha ŭdziačnych čytačoŭ.