Pamierła znakamitaja kubinskaja dysidentka Łaŭra Połan 1

Znakamitaja kubinskaja dysidentka, zasnavalnica apazicyjnaha ruchu «Žančyny ŭ biełym» Łaŭra Połan pamierła ŭ Havanie ŭ noč na subotu va ŭzroście 63 hadoŭ. Jana była špitalavanaja 7 kastryčnika z-za prablem z dychańniem i amal tydzień znachodziłasia ŭ reanimacyi.

Połan ciaham vaśmi hadoŭ ładziła štotydniovyja maršy pratestu razam z žonkami palityčnych źniavolenych,

kab damahčysia vyzvaleńnia ich mužoŭ-dysidentaŭ z «Hrupy-75».

Doŭhi čas Łaŭra Połan pakutavała ad lichamanki denhie, što dadało da prablem sa zdaroŭjem inšyja virusy i chraničny dyjabiet.

Zamianiła muža

Byłaja nastaŭnica ispanskaj movy i litaratury nabyła suśvietnuju viadomaść vosiem hadoŭ tamu, kali jaje muž razam ź inšymi dysidentami byŭ kinuty ŭ turmu.

Usiaho za kratami apynułasia 75 čałaviek. Muž Łaŭry, žurnalist i staršynia apazicyjnaj Libieralnaj partyi Ektar Masieda byŭ prysudžany da 20-ci hadoŭ turmy za ŭdzieł u palityčnaj dziejnaści.

Kab vyzvalić ich ź biady, Połłan zasnavała hrupu «Žančyny ŭ biełym», u jakuju ŭvajšli žonki kubinskich palitviaźniaŭ.

Łaŭra Połan časta apranała futbołku z partretam muža Ektara Masiedy, jaki byŭ u turmie.

Žančyny ŭ biełych strojach źbiralisia ŭ centry Havany štovychadnyja, patrabujučy svabody dla svaich mužčyn.

Paśla «Žančyny ŭ biełym» stali aktyŭna zajmacca pravaabarončaj dziejnaściu, adstojvajučy pravy i svabody nie tolki svaich mužoŭ,

ale i ŭsich palitviaźniaŭ na Kubie.

Łaŭra Połan faktyčna zamianiła muža ŭ šerahach zmaharoŭ za svabodu i pravy čałavieka na Kubie. U 2005 hodzie hrupa «Žančyny ŭ biełym» była ŭdastojena premii imia Sacharava «Za svabodu dumki».

Usie dysidenty z «Hrupy-75» u vyniku byli vyzvalenyja

 — pry sadziejničańni Rymska-katalickaj carkvy, ź jakoj kubinskija ŭłady ŭ 2010 hodzie zaklučyli adpaviednaje pahadnieńnie.

Apošnija dvoje palitviaźniaŭ z «Hrupy-75» vyjšli na volu ŭ sakaviku 2011 hoda.

Bi-Bi-Si

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH