Rasija vybrała ryzykoŭny šlach pavieličeńnia raschodaŭ, bahaty kryzisam z paharšeńniem situacyi ŭ suśvietnaj ekanomicy, i tolki zvarot da aściarožnaj biudžetnaj palityki pieraduchilić zastoj i daść šaniec na raźvićcio,zavioŭ staruju pieśniu Alaksiej Kudryn, pierapyniŭšy artykułam u haziecie «Kamiersant» trochtydniovaje maŭčańnie paśla hučnaj adstaŭki z pasta ministra finansaŭ.
Simvał makraekanamičnaj stabilnaści pucinskich časoŭ Kudryn niečakana pazbaviŭsia pracy paśla krytyki pieradvybarnych abiacańniaŭ kiroŭnaha tandemu i publičnaj admovy pracavać va ŭradzie Dźmitryja Miadźviedzieva, jakomu Uładzimir Pucin abiacaŭ svoj premjerski post ź pierajezdam u Kreml paśla prezidenckich vybaraŭ 2012 hoda.
Kudryn u kancy vieraśnia sabraŭ rečy i na raźvitańnie papiaredziŭ pra biudžetnyja ryzyki listom. Praz try tydni jon raźviŭ temu i prapanavaŭ raniejšy recept: spynić naroščvać vydatki ŭ raźliku na darahuju naftu.
«Rasija staić pierad nieabchodnaściu stvareńnia novaj madeli rostu ekanomiki — nie na bazie rostu popytu, padahretaha ŭlivańniami» naftavych «resursaŭ, a na asnovie rostu pryvatnych inviestycyj, padmacavanaha stabilnaj finansavaj sistemaj ź nizkaj inflacyjaj i nizkaj staŭkaj kredytavańnia, naroŭni ź inšymi instytucyjanalnymi pieraŭtvareńniami», — napisaŭ Kudryn.
Kudryn nahadaŭ, što jašče ŭ 2008 hodzie biudžet zvodziŭsia ŭ nul pry košcie $57,5 za barel, a ŭ 2012 hodzie jon budzie biezdeficytnym tolki pry $117.
«U nas za aknom histaryčny maksimum cen na naftu, što, zdavałasia b, pavinna tolki ciešyć. Adnak prycišyć aptymizm prymušaje,
Fantaziory
Pucin u paniadziełak paabiacaŭ zamiežnym inviestaram zachavać adkaznuju ekanamičnuju palityku i abaraniŭ rost sacyjalnych vydatkaŭ, nazvaŭšy jaho harantyjaj ad hramadzianskich chvalavańniaŭ. Jon spasłaŭsia na reštki stabfondu i nizki dziarždoŭh jak na harantyi vykanańnia ŭsich abaviazańniaŭ u vypadku padzieńnia koštaŭ na naftu.
Kudryn u apublikavanym u aŭtorak artykule papiaredziŭ, što «paduška biaśpieki» chudaja, a ŭ vypadku kryzisu hrošaj nichto nie daść.
«(Novy suśvietny kryzis) moža charaktaryzavacca — upieršyniu ŭ historyi — kryzisam suvierennych daŭhavych abaviazańniaŭ, što paralizuje rynak pazyčańniaŭ i zakryje jaho pierš za ŭsio dla krain, jakija raźvivajucca», — piša Kudryn.
Pry padzieńni koštaŭ na naftu da $60 deficyt biudžetu dasiahnie 5,5% VUP. Reziervovaha fondu chopić prykładna na hod, i vydatki daviadziecca skaracić na 2,5% VUP, heta značyć na 1,35 trłn rubloŭ.
«Ci isnujuć alternatyvy padrazańniu raschodaŭ? Tak: pavyšeńnie padatkaŭ i/abo zapusk drukavanaha stanka. I toje, i druhoje ŭ rasijskich umovach aznačaje adkidvańnie farmavańnia nieabchodnaha inviestycyjnaha asiarodździa jak minimum na
Tryljonnyja pieradvybarnyja abiacańni pastavili Rasiju «bortam da chvali», i času na karektavańnie kursu «amal niama», kaža jon, nazyvajučy imknieńnie tandemu vyrašyć usie prablemy adrazu niebiaśpiečnaj fantazijaj.
«Pavyšeńnie piensij i zarobkaŭ, pierakamlektavańnie vojska, madernizacyja pramysłovaści — usio heta absalutna pravilnyja zadačy, jakija musić stavić pierad saboj adkaznaja dziaržaŭnaja ŭłada. Uklučyŭšy fantaziju, možna navat ujavić sabie, jak pavinnyja vyhladać ŭmovy, pry jakich usie hetyja zadačy možna vyrašać adnačasova. Na žal, ciapier u nas za aknom zusim inšaja karcina», — napisaŭ Kudryn i prapanavaŭ svoj recept, paŭtaryŭšy parady, dadzienyja ŭ kancy jaho dziesiacihadovaj karjery niaźmiennaha pucinskaha kiraŭnika Minfina.
Kudryn prapanavaŭ źnizić biudžetnuju nahruzku da VUP za košt skaračeńnia raschodaŭ biez pavyšeńnia padatkaŭ, utrymać nizkuju inflacyju, zbałansavać biudžet pry $ 90–100 za barel u 2015 hodzie, viarnuć canu adsiačeńnia, vyšej za jakuju naftahazavyja dachody nazapašvajucca, a nie vydatkoŭvajucca, urezać
