Sudździa Mikałaj Babkoŭ nie zadavoliŭ chadajnictva Uładzimira Niaklajeva i Siarhieja Vaźniaka, jakija asprečvali rašeńnie Ministerstva justycyi nie rehistravać hramadskuju arhanizacyju. Na rašeńnie suda Uładzimir Niaklajeŭ zreahavaŭ słovami: «Chto b sumniavaŭsia!»
Pazoŭniki — Siarhiej Vaźniak, Uładzimir Niaklajeŭ. Pradstaŭnik Miniusta — Valery Zinkievič.
Respublikanskaje
Vyzvaliŭšysia sa śledčaha izalatara, Uładzimir Niaklajeŭ, Siarhiej Vaźniak i inšyja aktyvisty kampanii znoŭ padali dakumienty na rehistracyju abjadnańnia «Havary praŭdu». I znoŭ admova. Miniust matyvavaŭ jaje pamyłkami ŭ harantyjnym liście ad ułaśnika ofisa, jaki pahadziŭsia dać arhanizacyi jurydyčny adras. Faktyčna razmova idzie pra adnu pamyłku, jakuju pryznali pazoŭniki, — u dacie naradžeńnia aŭtarki hetaha lista Niny Pachłopki, jakaja pabłytała miesiac svajho naradžeńnia.
Miniust paličyŭ pamyłku ŭ dacie naradžeńnia spadaryni Pachłopki «niepapraŭnaj», jak i toje, što jaje harantyjny list byŭ nakiravany na adras abjadnańnia, a nie na adras ich viedamstva, jak patrabujuć unutranyja instrukcyi.