Łatuška adkryje ŭ Kijevie pomnik Karatkieviču + fota 1

20 kastryčnika ŭ Kijevie adbudziecca ŭračystaja cyrymonija adkryćcia pomnika Uładzimiru Karatkieviču.

U mierapryjemstvie voźmuć udzieł ministr kultury Biełarusi Pavieł Łatuška

i ministr kultury Ukrainy Michaił Kułyniak, dziejačy kultury i mastactva Biełarusi i Ukrainy.

Pomnik Uładzimiru Karatkieviču pastavili jašče 14 krasavika.

Znachodzicca jon la Pasolstva Biełarusi pa vulicy Kaciubinskaha, 3.

20 kastryčnika adbudziecca ŭračystaja cyrymonija adkryćcia pomnika.

Na cyrymonii płanujecca vystup ansambla «Kupalinka» Biełdziaržfiłarmonii.

Z nahody adkryćcia pomnika ŭ Nacyjanalnym kijeŭskim univiersitecie

budzie prezientavanaje śpiecyjalnaje vydańnie knihi Uładzimira Karatkieviča «Dzikaje palavańnie karala Stacha» na čatyroch movach — biełaruskaj, ruskaj, ukrainskaj, anhlijskaj,

prymierkavanaje da 80-hodździa z dnia naradžeńnia piśmieńnika, jakoje adznačałasia ŭ 2010 hodzie. U prezientacyi prymuć udzieł staršynia Biełaruskaha fondu kultury Uładzimir Hilep, namieśnik staršyni Respublikanskaha savieta pa spravach kultury i mastactva Anatol Butevič.

Pomnik stvorany biełaruskimi skulptarami Kanstancinam Sielichanavym, Aleham Varvašeniem i architektaram Alaksandram Korbutam.

Finansavańnie rabot pa stvareńni pomnika ažyćciaŭlałasia za košt srodkaŭ reziervnaha fondu prezidenta Respubliki Biełaruś. Raboty pa ŭstalavańni pomnika ŭ Kijevie i dobraŭparadkavańni prylehłaj terytoryi ažyćciaŭlalisia za srodki kijeŭskaj meryi.

Žyćcio i tvorčaść Uładzimira Karatkieviča byli ciesna źviazanyja z ukrainskaj ziamloj. U 50-ja hady XX st. piśmieńnik vučyŭsia na fiłałahičnym fakultecie Kijeŭskaha dziaržaŭnaha ŭniviersiteta imia Tarasa Šaŭčenki, pracavaŭ nastaŭnikam na Kijeŭščynie. Znakamity narys piśmieńnika «Ziamla pad biełymi kryłami» ŭpieršyniu pabačyŭ śviet na ŭkrainskaj movie. U svaich šmatlikich mastackich tvorach i litaraturaznaŭčych artykułach Uładzimir Karatkievič źviartaŭsia da ŭspaminaŭ pra žyćcio na Ukrainie, daśledavaŭ tvorčaść Tarasa Šaŭčenki, Lesi Ukrainki, Ivana Franka i inšych piśmieńnikaŭ Ukrainy.

tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH