Biełaruś ruchajecca ŭ kirunku defołtu. Mižnarodnyja valutnyja reziervy hetaj krainy z nasielnictvam u 10 miljonaŭ čałaviek na zychodzie. Pa aficyjnaj infarmacyi na 1 kastryčnika jany skłali $2,2 miljarda, sumu, roŭnuju abjomu impartu za adzin miesiac. Ale kali zapasy nastolki małyja, zaŭsiody ŭźnikaje pytańnie, ci možna ich vykarystoŭvać. Tym časam inflacyja padskoknuła i ŭ vieraśni dasiahnuła 80%. 17 kastryčnika misija Mižnarodnaha valutnaha fondu (MVF) źjechała z krainy, admoviŭšy Biełarusi ŭ choć jakoj finansavaj dapamozie.
Biełaruś moža być vymušana spynić svaje mižnarodnyja płaciažy ŭ luby dzień.
Alaksandr Łukašenka pieražyvaje svoj samy surjozny kryzis za 17 hadoŭ znachodžańnia va ŭłady. I hety kryzis moža stać apošnim. Pamyłki ŭ ekanamičnaj palitycy, zroblenyja im minułaj vosieńniu i vyklikali hety niebiaśpiečny finansavy kryzis.
Biełaruś źjaŭlajecca apošniaj savieckaj ekanomikaj u Jeŭropie. Dziaržaŭnyja pradpryjemstvy
Vyrašalnaj pamyłkaj Łukašenki stała rašeńnie padniać zarabotnuju płatu ŭ dziaržaŭnym siektary na 50% u listapadzie minułaha hoda,da pryznačanych na 19 śniežnia prezidenckich vybaraŭ. Jak śledstva, letaś siaredniaja realnaja zarabotnaja płata ŭ krainie vyrasła na 25%, i dasiahnuła $500 u miesiac, sumy, jakuju kiraŭnik dziaržavy paabiacaŭ padtrymlivać praz zavyšany abmienny kurs u adnosinach da dalara ZŠA. Zavyšany kurs biełaruskaha rubla vyklikaŭ deficyt biahučaha rachunku roŭny 15,5% VUP, ci $8,5 miljarda ŭ 2010 hodzie.
Niahledziačy na heta, vyniki prezidenckich vybaraŭ dla Łukašenki byli nastolki drennymi, što aficyjnyja spravazdačy naziralnikaŭ navodziać na dumku, što jon ich skraŭ, vykarystoŭvajučy hvałt i prysudziŭšy bolšaść svaich kankurentaŭ da šmathadovych turemnych terminaŭ. Złučanyja Štaty i Jeŭrapiejski Sajuz adkazali va ŭnison sankcyjami suprać niekatorych čynoŭnikaŭ i pradpryjemstvaŭ i zapatrabavali nieadkładnaha vyzvaleńnia 40 palityčnych źniavolenych, ale mnohija dahetul znachodziacca ŭ turmie.
Zamiest taho, kab pravieści nieabchodnyja reformy, kali ŭ jaho jašče byŭ čas, Łukašenka pasprabavaŭ sabrać hrošaj tam, dzie jon moža.Mižnarodnyja valutnyja reziervy sioleta vahalisia pamiž $ 3 młrd i $ 4 młrd, u toj čas jak kraina maje patrebu bolš za $6 miljardaŭ tolki sioleta.
Niahledziačy na niekatoryja raspłyvistyja zajavy ad Jeŭrapiejskaha źviaza i MVF, pra zachodniaje finansavańnie nie moža być i havorki.Toje ž samaje stavicca i da rynka. Da viasny 2011 hady finansavy kryzis u Biełaruś vyjšaŭ
Adna z prablem Łukašenki składajecca ŭ tym, što ŭ jaho niama siabroŭ. Varta pryznać, što Kitaj pradastaviŭ kredyt u $1 młrd juaniaŭ, a Iran — u 400 miljonaŭ dalaraŭ, ale hetaha niedastatkova. Choć Kreml mocna nie lubić Łukašenka, jon zacikaŭleny ŭ palityčnaj stabilnaści na svaich zadvorkach. Rasija patrabuje praviadzieńnia prykładna takich ža reformaŭ jak i MVF: płyvučaha abmiennaha kursu, libieralizacyi cenaŭ, bolš ćviordaj
hetych sum dastatkova, kab pakryć tolki pałovu patreby Biełarusi ŭ finansavańni.
Tamu 24 maja Biełaruś devalvavała valutu na 36% (nasamreč — 54%. Zaŭv. Red.) , ale Łukašenka nie dazvoliŭ valucie płavać. U vyniku kraina apynułasia ŭ horšaj z usich mahčymych situacyj, jak i Saviecki Sajuz u 1991 hodzie, kali ŭ deficycie moža apynucca luby tavar. Biełarusy abnajavili svaje aščadžeńni, kab kupić lubyja dastupnyja tavary ci valutu. Svabodnyja ceny rastuć uharu, u toj čas jak u deficycie apynajucca tavary z rehujujemymi koštami, jakija biełarusy kuplajuć i vyvoziać na prodaž u susiednija krainy.
U vieraśni rubiel iznoŭ abiasceńvaŭsia. Bolš za toje, roznyja abmiennyja kursy adnosiacca da roznych apieracyj, a pradpryjemstvy na ŭsie žyły imknucca znajści novyja mahčymaści.
Łukašenka vykazaŭ nadzieju, što MVF iznoŭ voźmie jaho na paruki.U studzieni 2009 hoda, MVF užo pasprabavaŭ dapamahčy, skłaŭšy damovu pra vydzialeńnie kredytu ŭ $3,6 młrd., jaki skončyŭsia ŭ sakaviku 2010 hoda, ale Biełaruś tak i nie praviała abiacanych rynkavych reformaŭ. Zaraz prezident pasprasiŭ u MVF užo nie $3,5, a $ 8 młrd, ale
misija MVF admoviła ź niečakana ćviordaj farmuloŭkaj, što «ŭłady buduć pavinny prademanstravać vyraznyja abaviazacielstvy, u tym liku i na samym vysokim uzroŭni, u pytańni stabilizacyi ekanomiki i praviadzieńnia reformaŭ».Ale MVF pavinien byŭ admović i praz zachodnija sankcyi, i praz pasłužny śpis Łukašenki.
Apošniaj nadziejaj na vyžyvańnie ŭ Łukašenki zastajecca prodaž «familnaha srebra»,niekalkich kaštoŭnych bujnych dziaržaŭnych karparacyj: kalijnaj kampanii «Biełaruśkalij», kampanii «Biełtranshaz», mabilnaj telefonnaj kampanii «MTS Biełaruś», MAZa, i Mazyrskaha NPZ. Rasija i kitajskija kampanii byli hatovyja nabyć ich, ale hetyja ŭhody stanuć nie bolš čym rasprodažam paśla pažaru, kali kampanii syduć za biascenak i tolki padoŭžać pakuty biełarusaŭ. U razhar niastrymnaha finansavaha kryzisu ŭsie ŭhody pa kupli bujnych pradpryjemstvaŭ, jak praviła, prytarmožvajucca ci zusim spyniajucca. Bolš taho, Złučanyja Štaty i Jeŭrapiejski Sajuz užo ŭviali sankcyi suprać niekatorych kampanij, i Złučanyja Štaty mohuć lohka błakavać hetyja prodažy praz embarha, što i zapatrabavali šeść amierykanskich sienataraŭ.
Da siońniašniaha dnia Łukašenka byŭ viadomy jak niepradkazalny, ale vielmi padkavany ŭ palitycy taktyk, ale jaho ekanamičnaja biezhaspadarlivaść urešcie daviała ekanomiku savieckaha tołku da žałasnaha stanu.
Defołt Biełarusi ŭjaŭlajecca niepaźbiežnym, i moža być spravakavany lubym nastupnym značnym pahašeńniem zapazyčanaści.
